जेपा 16:23 - ॱलोवा

²³ ॱमीच्‍यीकी आ श्‍युर सारती, खुङक्‍याई खुङ ॱङीउला चो़न्‍खाङदु धाक्‍ती, चो़न्‍खाङगी घोरेगोला घामोमा ॱरुङयेला का ॱनावालाक।

जेपा 16:23 Iomraidhean Croise

मेथा 26:48

धा ग्‍याप्‍तो़ झ्‍यीगीनगी़, खुङक्‍याला देरे ॱनेरी ताक तेर हो़तालाक, “ङी सुला ओ झ्‍यीदी, खोङराङ होदे मीगो लाक। खोङला शीम।”

लुका 21:12

हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

जेपा 12:18

ॱनाम लारी पेटोला घी झ्‍युवाले ॱनेरी ॱमाक्‍मीक्‍या नाङदु ॱमीच्‍यीकी ॱङ्योक्‍टा क्षे झ्‍युवालाक।

जेपा 12:4

याहुदापाक्‍याई पेसाकगी धी़छेन जोक्‍ती स्‍याम्‍ला, खोला मीमाङक्‍याई दोङदु ठीक्‍ये साम्‍दी, खी़ पेटोला शीम्‍दी चो़न्‍खाङ नाङदु धाक्‍पालाक। धेनी ॱमाक्‍मी च्‍युढुकने खाक श्‍यी-श्‍यी झ्‍येरी, रेमो ग्‍याप्‍ती खोला ॱरुङयेला को़वालाक।

जेपा 16:27

चो़न्‍खाङ ॱरुङगीन घोरेगो ॱङी छेदी, होदुरु खी़ घो घीरी भेरी धेता थोवालाक। धेनी चो़न्‍पा घीरी डो़री सोवा हीन्‍ढु ॱनेरी साम्‍दी, खो खोराङला सेयेला खोरी डीगो तो़न्‍बालाक।

जेपा 16:36

धेनी चो़न्‍खाङ ॱरुङगीन घोरेगी पाउलुला ॱनेवालाक, “खेराङ ॱङीउला तो़न्‍दी शोङ ॱनेरी, रोमापा पो़न्‍पोगी का ॱनाङदुक। होझ्‍येरी खेराङक्‍या सेम कीपो झ्‍युरी फेप।”

जेपा 5:18

धेनी खुङक्‍याला शीम्‍दी आटाला धाक्‍पालाक।

जेपा 5:23

“हेक्‍याई आटागी घोला घोजा ग्‍यापक्‍या धाङ घोरेक्‍या होदुरु लारी धेदा थोजुङ हीना घो पेरी ती घाङला नाङदु सुवा ॱमाङेजुङ।”

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 6:5

धेनी दुङदाक फोक्‍वाराङ धेनी चो़न नाङदु छी़दाराङ धेनी शीङटा लाङाराङ धाङ काल्‍ले ग्‍याराङ धेनी ॱङी मेताराङ धेनी फोवा तोक्‍वाराङ,

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

फीलेमोन 1:9

झाम्‍पे केनगी ङा ख्‍यो़ला श्‍योवा पुलाहीन, ङा मी घेबो पाउलु, मास्‍यीका येशुगी दो़न्‍दु चो़न्‍पा च्‍यीक,

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।