जेपा 16:16 - ॱलोवा

¹⁶ ङीमा च्‍यीक हेक्‍या सोवा ग्‍याप्‍सा साजाला डी़ घाङला, ॱयोक्‍मो च्‍यीकला थुक्‍सुङ। मोला ॱनो़पा च्‍यीक ज्‍यु हो़तालाक धेनी होदे ॱनो़पागी स्‍युकने, मो मी श्‍येम्‍माक्‍याई माउपारला झ्‍युङये हो़गीन लाबक्‍या स्‍येदी, मोरी दाक्‍पोक्‍या क्षीला ॱमीच्‍यीकी आले घा शो़वालाक।

जेपा 16:16 Iomraidhean Croise

जेपा 16:13

ग्‍याजागी फीला चाङबुगी थामाला याहुदापाक्‍याई सोवा ग्‍याप्‍जा साजा हो़टु ॱनेरी, साम्‍दी हेक्‍या ङासुगीन ङीमाला होदुरु सोवी। धेनी होदुरु जोम्‍दी धेता भोमोक्‍यामुला धेदी लाब तावी।

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

जेपा 16:19

धा होदे भोमोगी दाक्‍पो देक्‍याई होदे भोमोने आले हुङजागो मेगीन स्‍येरी, पाउलु धाङ सीलवानुला शीम्‍दी धेनी ठीम चेजा साजारु ढी़दी खेरती सोवालाक।

जेपा 19:24

ॱङु शोगीन देमेतीरीहु ॱनागीन मी च्‍यीक, आरतीमी ल्‍हामोगी ॱङुगी ल्‍हाखाङ च्‍युङजेक्‍या शो़वालाक। दे लेगा झ्‍येरी खो धाङ खी़ लेरोकक्‍याई ॱमीच्‍यीकी आले घा चालालाक।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

२ तीमोथेउ 3:8

यानने धाङ याम्‍बारे ॱङीउगी मोशेला ङोलोक झ्‍यीगीन च्‍योक्‍रे, ॱलेपा रुरा धाङ धेपा शोक्‍पो हो़गीन, दे मीक्‍यागीयाः धेन्‍पाला ङोलोक झ्‍यीदालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।