जेपा 16:1 - ॱलोवा

¹ पाउलु धेरबे धाङ लुस्‍टारु फेप्‍ती, होदुरु तीमोथेउ ॱनागीन ङेने च्‍यीक हो़तालाक। खी़ आमागो चोवो येशुला धेपा-झ्‍यीगीन याहुदापा लाक धेनी आकीगो गीरीक लाक।

जेपा 16:1 Iomraidhean Croise

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 14:21

पाउलु धाङ बारनाबा धेरबे ग्‍याजारु ताम्‍शाङ स्‍येदी, मी ॱमीच्‍यीकी माङाला चोवो येशुगी ङेने शो़वालाक। होदे स्‍याम्‍ने खुङक्‍या लुस्‍टा धाङ ईकोनीयोन ग्‍याजाने झ्‍युरी, पीसीदीया ग्‍यारापगी आन्‍तीयोकदु लोक्‍पालाक।

जेपा 14:6

हीना पाउलु धाङ बारनाबागी दे लाब ॱहाघोरती, खुङक्‍या डो़री सोरी लुकोनीया साजाला हो़गीन लुस्‍टा धाङ धेरबे ग्‍याजारु सोवालाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

रोमापा 16:21

ङी लेरोक तीमोथेउ धाङ ङी पी़न्‍दा लुकीया धाङ यासोन धाङ सोसीपातोगी खेक्‍याला छाम्‍डी श्‍यी़क।

१ कोरीन्‍थुपा 16:10

धा तीमोथेउ खीकीचारु हुङाराङ, खेक्‍याई खोला जीक्‍नाङ घीया मीझ्‍युङा धेदु च्‍युक घीझ्‍येरी ॱनाना खोवाः ङा च्‍योक्‍रे चोवोगी लेगा झ्‍यीदालाक।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

१ कोरीन्‍थुपा 7:14

घीझ्‍येरी ॱनाना धेपा मीझ्‍यीगीन ख्‍योवा नी, राङगी केमी थोक्‍ने धाम्‍पा झ्‍युङालाक धेनी धेपा मीझ्‍यीगीन केमी नी, राङगी ख्‍योवा थोक्‍ने धाम्‍पा हुङालाक। देरे मेन्‍ना खुङक्‍याई टुवाक्‍या ॱमेचाङा झ्‍युङयेहो़क हीना धान्‍दा खुङक्‍या धाम्‍पा झ्‍युवालाक।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 2:19

खेक्‍याई ॱनेछु घोरती, ङाः ङ्यामो घायेगी क्षीदु, ङा तीमोथेउला खेक्‍याचारु ग्‍योक्‍जे ताङयेगी रेवा दे, चोवो येशुला झ्‍यीदीहो़क।

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

१ थेसालोनीकेपा 1:1

पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

२ थेसालोनीकेपा 1:1

पाउलु धाङ सीलवानु धाङ तीमोथेउ सुमगी, थेसालोनीकेदु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला,

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

फीलेमोन 1:1

मास्‍यीका येशुगी दो़न्‍दु चो़न्‍पा हीन्‍गीन, ङा पाउलु धाङ होरी पी़न तीमोथेउने, हीकी चेवे लेरोक फीलेमोन

ईब्‍रीपा 13:23

होरी पी़न तीमोथेउ चो़न्‍खाङने थो़न्‍गीनगो, खेक्‍याई ॱहाघोकीनगो ङा दो़दीहो़क। धेनी खो ग्‍योक्‍वा ॱलेप्‍ना, ङा खी़मुला खेक्‍याला थुक्‍तु हुङाहीन।