जेपा 15:5 - ॱलोवा

⁵ हीना फारुसीपाक्‍या नाङने धेपा-झ्‍यीगीन झ्‍युजाक्‍या लाङदी ॱनेवालाक, “याहुदापा मेन्‍गीन मीरीकगी धेपा-झ्‍यीगीनक्‍याः पाउ चेदी ताकगो ग्‍याप घोगीलाक धेनी मोशेगी ठीमक्‍याला चीघोलालाक।”

जेपा 15:5 Iomraidhean Croise

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

जेपा 15:1

होदे स्‍याम्‍ने मी रीङगा युदेयाने होरी, आन्‍तीयोक ग्‍याजागी धेपा-झ्‍यीगीनक्‍याला देरे ॱलापच्‍या तेरपालाक, “मोशेगी ॱनाङना क्षो़ठीमगी ॱरो च्‍योक्‍रे झ्‍यीये हीन्‍ना, पाउ चेदी ताक माग्‍याप्‍पा, खेक्‍याला थारपा राक थुक्‍कीमालाक।”

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 24:14

हीना देक्‍याई क्षो़लुक ॱनेरी ताक्‍कीन लाम दे, ङी धाङबी फामागी को़न्‍क्षोकला ङा क्षाक्‍क्षो़पा पुलाहीन ॱनेरी, ङी खेलेन्‍दी हो़क। धेनी मोशेगी क्षो़ठीमला ढीक्‍टा धाङ ॱङो़नस्‍येखेनक्‍याई धेपक्‍याला ढीक्‍टाक्‍याला ङा चीलीहो़क।

जेपा 24:5

मी दे ॱमीच्‍यीकी ॱङ्योक्‍टा ॱलाङगीन धाङ जाम्‍बुलीङ घीरीदु हो़गीन, याहुदापाक्‍याई खोक्‍दु टुक्‍कीन लेगा झ्‍येरी, ग्‍युक्‍कीन हीकी ॱङेजुङ। धेनी खो नाजारी ॱनागीन क्षो़लुकगी गोठीगोवा दुक।

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 5:17

धेनी चो क्षो़पो़न धाङ खी़मुला हो़गीन सादुकीपा घीरीगी, कुछापक्‍याला ठादोक झ्‍येवालाक।

१ कोरीन्‍थुपा 7:18

मी च्‍यीकला को़न्‍क्षोकगी भो़ली घाङला खो एन्‍दुरु पाउ चेसासा हो़ना, खी़ होदे ताकगो सुब्‍ये मेतालाक। धेनी पाउ ॱमाचेचा हो़ताराङ खोला को़न्‍क्षोकगी भो़ हो़ना, खी़ पाउ चे घोगुमालाक।

गालातीयापा 2:11

हीना पेटो (केफास) आन्‍तीयोक ग्‍याजारु होरी, ङी खोला दोङदुराङ खाते झ्‍येवी घीझ्‍येरी ॱनाना खी़ मेढाङा झ्‍येवालाक।

गालातीयापा 2:14

धेनी खुङक्‍याई लेगा दे, ताम्‍शाङगी धेन्‍पाला ॱमीथी़न्‍गीनगो थोरी, ङी घीरीगी दोङदु पेटोला ॱनेवी, “ख्‍यो़ याहुदापा झ्‍येरीया याहुदापा च्‍योक्‍रे मेन्‍दा, याहुदापा मेन्‍गीन मीरीक च्‍योक्‍रे मीछे पी़ना, याहुदापा मेन्‍गीन मीरीकक्‍याला याहुदापा च्‍योक्‍रे मीछे पी़ ॱनेरी, ख्‍यो़ घाङ झ्‍येरी उजुक ग्‍याप थुक्‍वाले?”