जेपा 15:36 - ॱलोवा

³⁶ धी़चो़ घाजीङ स्‍याम्‍ने पाउलुगी बारनाबाला ॱनेवालाक, “धा होराङगी को़न्‍क्षोकगी का स्‍येसा ग्‍याजा घीरीला धाब्‍ले ढो। होदुरु हो़गीन धेपा-झ्‍यीगीन पी़नक्‍या घारे दुओ ॱनेरी, तारु डो।”

जेपा 15:36 Iomraidhean Croise

मेथा 25:36

ङा घो़न्‍ये मेती घाङला, खीकी ङाला घोलाक को़न्‍जुङ। धेनी ङा नी घाङला, खीकी ङाला दाक्‍पो ग्‍याप्‍जुङ। ङा चो़न्‍खाङदु हेती घाङला, खेक्‍या ङाला थुक्‍तु होजुङ।’

मेथा 25:43

ङा ङो ॱमेस्‍येगीन मी च्‍यीकला, खीकी ङाला ॱनेचाङ ॱमायारजुङ। ङा घो़न्‍ये मेती घाङला, खीकी ङाला घोलाक ॱमाक्‍यो़न्‍जुङ। ङा नेपा धाङ चो़न्‍खाङदु हेती घाङला, ख्‍ये ङाला थुक्‍तु मायोजुङ।’

जेपा 13:12

चोवोगी ॱलापच्‍याला हो़गीन स्‍युक थोरी, पो़न्‍पो क्षेगो ॱमीच्‍यीकी ॱहालेवालाक धेनी खी़ चोवो खाला धेपा झ्‍येवालाक।

जेपा 13:4

धाम्‍पे थुक्‍ङीगी झाजा बारनाबा धाङ साउल आन्‍तीयोक ग्‍याजाने सेलुकीया ग्‍याजारु सोवालाक। होदेने खुङक्‍या ग्‍याछोने ढु ग्‍याप्‍ती, साईपुरुसला सोवालाक।

जेपा 13:51

धेनी पाउलु धाङ बारनाबागी होदे मीक्‍याला, को़न्‍क्षोकगीराङ ठीम चेगीलाक ॱनेरी तो़न्‍येला, खोरी काङबागी थाला ॱरुक्‍ती धेनी ईकोनीयोन ग्‍याजा स्‍योकला सोवालाक।

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 14:21

पाउलु धाङ बारनाबा धेरबे ग्‍याजारु ताम्‍शाङ स्‍येदी, मी ॱमीच्‍यीकी माङाला चोवो येशुगी ङेने शो़वालाक। होदे स्‍याम्‍ने खुङक्‍या लुस्‍टा धाङ ईकोनीयोन ग्‍याजाने झ्‍युरी, पीसीदीया ग्‍यारापगी आन्‍तीयोकदु लोक्‍पालाक।

जेपा 14:6

हीना पाउलु धाङ बारनाबागी दे लाब ॱहाघोरती, खुङक्‍या डो़री सोरी लुकोनीया साजाला हो़गीन लुस्‍टा धाङ धेरबे ग्‍याजारु सोवालाक।

जेपा 7:23

“धेनी मोशे लो श्‍यीपच्‍यु ॱलेप्‍ती, खी़ सेमला खोरी ईस्‍राएल्‍पा पी़न्‍दाक्‍या थुक्‍तु डोयेगी दो़पा केवालाक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

२ कोरीन्‍थुपा 11:28

धेनी श्‍येम्‍मा लाबक्‍या ॱमेथेला श्‍याक्‍मो डाङी, ङाला क्षो़छोक घीरीगी दो़नाङ झ्‍यीयेगी सेम्‍डा दुक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

२ तीमोथेउ 1:4

ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।