जेपा 15:11 - ॱलोवा

¹¹ हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

जेपा 15:11 Iomraidhean Croise

रोमापा 3:24

हीना राङगी थुक्‍जेगी रीङ मेगीन ॱनाङज्‍यीनने, को़न्‍क्षोकगी मी घीरीला ढाङपो जेदालाक। दे नी, मीक्‍याला धीक्‍पाने थारपा जेगीन, येशु मास्‍यीकागी थोक्‍ने जेदालाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 16:23

चोवो येशुगी थुक्‍जे खेक्‍यामुला ॱनेलास्‍योक।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

तीतोस 2:11

को़न्‍क्षोकगी थुक्‍जे, मी घीरीगी थारपागी दो़नला झ्‍युवालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।