जेपा 14:3 - ॱलोवा

³ होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 14:3 Iomraidhean Croise

मारकु 16:20

धेनी ङेनेक्‍या साज्‍या घीरीदु सोरी, ताम्‍शाङ स्‍येपालाक। चोवोगी खुङक्‍यामुला क्षाक्‍ले जेपालाक धेनी ॱहालेगीन ताकक्‍या तो़न जेदी, ताम्‍शाङ धेन्‍पा हीन्‍गीनगी पाङपो जेपालाक।]

योहान्‍ना 4:48

येशुगी खोला सुवालाक, “खेक्‍या ताक धाङ याम्‍क्षेनगी क्षाक्‍लेक्‍या ॱमाथोङगीन थुक्‍पे धेपा मीझ्‍यीदालाक।”

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 5:32

हेक्‍या दे लाबक्‍याई पाङपो हीन धेनी को़न्‍क्षोकगी राङगी काला ङेन्‍गीनक्‍याला ॱनाङना, धाम्‍पे थुक्‍ङीगीयाः दे लाबक्‍याई पाङपो तो़न्‍दा जेदुक।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।