जेपा 14:22 - ॱलोवा

²² खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 14:22 Iomraidhean Croise

मेथा 10:38

धेनी राङगी ग्‍याङस्‍यीङ खेरती, ङी स्‍याबाला मेडागीनक्‍याला ङी ङेने झ्‍युङयेगी आङजा मेक।

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

मेथा 19:24

याङ ङा खेक्‍याला ॱनाहीन, मी क्षुक्‍पु च्‍यीक को़न्‍क्षोकगी ग्‍यासीला डोयेला ल्‍हाक, सेम्‍चेन ॱनाउ च्‍यीक खापगी ॱमीउ नाङने जुयेला लेल्‍हा हो़टु।”

मारकु 10:30

दे छेला दुक्‍पु मुला-मुला खाङबाक्‍या धाङ पी़नक्‍या धाङ फामाक्‍या धाङ टुवाक्‍या धाङ साश्‍यीङ, एम्‍माले ग्‍याई माङा थोप्‍कीलाक धेनी माउपारला थामेपे छेसोक थोप्‍कीलाक।

मारकु 9:47

धेनी ख्‍यी़ ॱमीकगी ख्‍यो़ला धीक्‍पा झ्‍यीदु च्‍युक्‍ना, होदे तो़न्‍दी ॱयुक। ख्‍यी़ ॱमीक ङीगारा झ्‍येरी ॱङ्यावादु डोयेला ल्‍हाक, ॱमीक च्‍यीक मेता को़न्‍क्षोकगी ग्‍यासीला डोना घा लाक।

लुका 24:26

मास्‍यीकागी दे घीरी दुक्‍पु ङ्याङ घो़री, खोरी शीजेदु फेप घो़गु माले?”

योहान्‍ना 15:18

“जीक्‍तेनगी खेक्‍याला दाङा झ्‍यीना, खेक्‍याले एन्‍ला ङाला दाङा झ्‍यीगीनगो खेक्‍याई स्‍येलालाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 14:20

हीना ङेनेक्‍या होरी, पाउलुगी थाकोरला जोम्‍बालाक धेनी खो लारी ग्‍याजा स्‍योकला सोवालाक। ॱङेटोगो खो बारनाबामुला धेरबे ग्‍याजारु सोवालाक।

जेपा 14:28

होदे स्‍याम्‍ने खुङक्‍या श्‍याक्‍मो आरुङ माङा, होदुरु हो़गीन ङेनेक्‍यामुला धेपालाक।

जेपा 15:32

युदा धाङ सीलवानु खोराङ, को़न्‍क्षोकगी छोकने लाब ताङगीन ॱङो़नस्‍येखेन लाक। खुङक्‍याई धेपा-झ्‍यीगीन पी़नक्‍याला ॱमीच्‍यीकी सेमस्‍युक ॱनाङदी, खुङक्‍याई धेपा स्‍युक्‍क्षे शो़वालाक।

जेपा 15:41

सीरीया धाङ कीलीकीया साजाने झ्‍युरी डी़ घाङला, खुङक्‍याई होदे साजाक्‍याई धेपा-झ्‍यीगीन क्षो़छोकक्‍याला धेपाला स्‍युक्‍क्षे शो़री सोवालाक।

जेपा 18:23

ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 3:12

ॱङोन्‍ने झ्‍यीना मास्‍यीका येशुला तेन्‍दी, क्षो़ला थी़न्‍गीन मीछे क्‍याङी दो़गीन घीरीगी दुक्‍पु ङ्याङराङ घो़गीलाक।

१ पेटो 2:21

खेक्‍या दो़न दी क्षीलाराङ भो़वालाक घीझ्‍येरी ॱनाना मास्‍यीकागी स्‍याम्‍ला डाङयेगी क्षीला, मास्‍यीका खीकी दो़न्‍दु दुक्‍पु ङ्यारी, खोङगी खेक्‍याई क्षीला पे च्‍यीक श्‍या जेपालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ पेटो 5:9

राङगी धेपाला तेन्‍पो झ्‍युरी, धी़कगी ङोलोक झ्‍यी घीझ्‍येरी ॱनाना जीक्‍तेन हो़लेरु खीकी पी़नक्‍यागीयाः देरे दुक्‍पु राङ ङ्याङी हो़तालाक।

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”