जेपा 14:21 - ॱलोवा

²¹ पाउलु धाङ बारनाबा धेरबे ग्‍याजारु ताम्‍शाङ स्‍येदी, मी ॱमीच्‍यीकी माङाला चोवो येशुगी ङेने शो़वालाक। होदे स्‍याम्‍ने खुङक्‍या लुस्‍टा धाङ ईकोनीयोन ग्‍याजाने झ्‍युरी, पीसीदीया ग्‍यारापगी आन्‍तीयोकदु लोक्‍पालाक।

जेपा 14:21 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

जेपा 13:14

पाउलु धाङ बारनाबागो, पेरगेने पीसीदीया ग्‍यारापगी आन्‍तीयोक ग्‍याजारु सोवालाक धेनी धाम्‍पे ङासुगीन ङीमाला होदे मी ॱङी छोक्‍खाङदु सोरी धेपालाक।

जेपा 13:51

धेनी पाउलु धाङ बारनाबागी होदे मीक्‍याला, को़न्‍क्षोकगीराङ ठीम चेगीलाक ॱनेरी तो़न्‍येला, खोरी काङबागी थाला ॱरुक्‍ती धेनी ईकोनीयोन ग्‍याजा स्‍योकला सोवालाक।

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:26

होदुरु डुशीङ श्‍यो़न्‍दी आन्‍तीयोक ग्‍याजारु लोक्‍पालाक। होदे ग्‍याजारुराङ एम्‍मा चोवोला धेपा-झ्‍यीगीनक्‍याई, पाउलु धाङ बारनाबाला को़न्‍क्षोकगी थुक्‍जेला पुरी, ताम्‍शाङ स्‍येगीन लेगाला झावालाक। धेनी धान्‍दा होदे लेगा डुप्‍ती, खुङक्‍या होदुरुराङ लोक्‍पालाक।

जेपा 14:6

हीना पाउलु धाङ बारनाबागी दे लाब ॱहाघोरती, खुङक्‍या डो़री सोरी लुकोनीया साजाला हो़गीन लुस्‍टा धाङ धेरबे ग्‍याजारु सोवालाक।

जेपा 14:7

होदे ग्‍याजा ॱङीउ धाङ ॱये-ॱयो़नला हो़गीन साजाक्‍याला, खुङक्‍याई चोवोगी ॱनाङना ताम्‍शाङ स्‍येपालाक।

जेपा 14:8

लुस्‍टा ग्‍याजारु मी श्‍याक्‍योवा च्‍यीक धेदालाक। खो केने ॱहालाराङ, श्‍याक्‍योवा झ्‍युरी नामा घोबा चुक ॱमाथुक्‍पालाक

जेपा 15:36

धी़चो़ घाजीङ स्‍याम्‍ने पाउलुगी बारनाबाला ॱनेवालाक, “धा होराङगी को़न्‍क्षोकगी का स्‍येसा ग्‍याजा घीरीला धाब्‍ले ढो। होदुरु हो़गीन धेपा-झ्‍यीगीन पी़नक्‍या घारे दुओ ॱनेरी, तारु डो।”

जेपा 16:2

लुस्‍टा धाङ ईकोनीयोनला हो़गीन धेपा-झ्‍यीगीनक्‍याई तीमोथेउला, मी ढाङपो लाक ॱनेरी चीलालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।