जेपा 14:20 - ॱलोवा

²⁰ हीना ङेनेक्‍या होरी, पाउलुगी थाकोरला जोम्‍बालाक धेनी खो लारी ग्‍याजा स्‍योकला सोवालाक। ॱङेटोगो खो बारनाबामुला धेरबे ग्‍याजारु सोवालाक।

जेपा 14:20 Iomraidhean Croise

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 12:17

पेटोगी खुङ घीरीला खाबा धो़क ॱनायेला जुक्‍ते झ्‍येवालाक धेनी चो़न्‍खाङने फीला चोवोगी घाङगी झ्‍येरी तो़न्‍जो ॱनेरी घीरीला स्‍येपालाक। “लाब दे याकोब धाङ पी़नक्‍याला स्‍यो़क।” ॱनेरी खो यु श्‍येम्‍मा च्‍यीकला सोवालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 14:28

होदे स्‍याम्‍ने खुङक्‍या श्‍याक्‍मो आरुङ माङा, होदुरु हो़गीन ङेनेक्‍यामुला धेपालाक।

जेपा 14:6

हीना पाउलु धाङ बारनाबागी दे लाब ॱहाघोरती, खुङक्‍या डो़री सोरी लुकोनीया साजाला हो़गीन लुस्‍टा धाङ धेरबे ग्‍याजारु सोवालाक।

जेपा 16:1

पाउलु धेरबे धाङ लुस्‍टारु फेप्‍ती, होदुरु तीमोथेउ ॱनागीन ङेने च्‍यीक हो़तालाक। खी़ आमागो चोवो येशुला धेपा-झ्‍यीगीन याहुदापा लाक धेनी आकीगो गीरीक लाक।

जेपा 16:40

धेनी पाउलु धाङ सीलवानु चो़न्‍खाङने थो़न्‍दी, लीडीयागी नाङला सोवालाक धेनी धेपा-झ्‍यीगीन पी़नक्‍याला थुक्‍ती, खुङक्‍याला सेमस्‍युक पारती होदे साजा भोरती सोवालाक।

जेपा 20:1

होदे फेरा घीरी तीङचोई झ्‍युसारती, पाउलुगी धेपा-झ्‍यीगीनक्‍याला मुला रुप्‍ती, खुङक्‍याला सेमस्‍युक पारकीन लाब स्‍येपालाक। धेनी घोङपा श्‍यी़री माकेडोनीया स्‍योकला सोवालाक।

२ कोरीन्‍थुपा 6:9

हेक्‍याला केटाक मेगीन चीनाः, हेक्‍या केटाक्‍क्षे हो़क। धेनी हेक्‍या छीवे खारु ॱलेप हो़नाः, हेक्‍या सो़न्‍पोराङ हो़क। धेनी ङेपा फोक हो़नाः, ॱरोक ॱमास्‍योरहो़क।