जेपा 14:19 - ॱलोवा

¹⁹ होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:19 Iomraidhean Croise

जेपा 13:14

पाउलु धाङ बारनाबागो, पेरगेने पीसीदीया ग्‍यारापगी आन्‍तीयोक ग्‍याजारु सोवालाक धेनी धाम्‍पे ङासुगीन ङीमाला होदे मी ॱङी छोक्‍खाङदु सोरी धेपालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 14:18

दे लाब घीरी ॱनेरी पाउलु धाङ बारनाबा, राङला पुयेला डाढीक झ्‍येजा ॱमारछो़ला ॱमीच्‍यीकी काल्‍ले झ्‍येरी काक थुक्‍पालाक।

जेपा 14:2

हीना धेपा मीझ्‍यीगीन याहुदापाक्‍याई याहुदापा मेन्‍गीन मीक्‍याला खोक्‍पा ग्‍यारी, धेपा झ्‍यीगीनक्‍याई डाला ॱलावालाक।

जेपा 14:21

पाउलु धाङ बारनाबा धेरबे ग्‍याजारु ताम्‍शाङ स्‍येदी, मी ॱमीच्‍यीकी माङाला चोवो येशुगी ङेने शो़वालाक। होदे स्‍याम्‍ने खुङक्‍या लुस्‍टा धाङ ईकोनीयोन ग्‍याजाने झ्‍युरी, पीसीदीया ग्‍यारापगी आन्‍तीयोकदु लोक्‍पालाक।

जेपा 14:26

होदुरु डुशीङ श्‍यो़न्‍दी आन्‍तीयोक ग्‍याजारु लोक्‍पालाक। होदे ग्‍याजारुराङ एम्‍मा चोवोला धेपा-झ्‍यीगीनक्‍याई, पाउलु धाङ बारनाबाला को़न्‍क्षोकगी थुक्‍जेला पुरी, ताम्‍शाङ स्‍येगीन लेगाला झावालाक। धेनी धान्‍दा होदे लेगा डुप्‍ती, खुङक्‍या होदुरुराङ लोक्‍पालाक।

जेपा 14:4

हीना ग्‍याजागी मीक्‍या छोक ॱङीला खा ढावालाक। मी रीङगा याहुदापाक्‍या स्‍योकला धेनी मी रीङगागो कुछापक्‍या स्‍योकला सोवालाक।

जेपा 14:5

याहुदापा मेन्‍गीनगी मीक्‍या धाङ याहुदापाक्‍या धाङ खुङक्‍याई पो़न्‍पोक्‍या रुप्‍ती, पाउलु धाङ बारनाबाला ॱङ्याप्‍चो़ स्‍येदी धोगोङ श्‍युरती सेये ढो़ झ्‍येवालाक।

जेपा 15:26

खुङ ॱङीउगी होरी चोवो येशु मास्‍यीकागी लेगागी छीला, राङगी मीछेगोवा ङेन्‍काला तावालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 22:20

धेनी खेराङगी पाङपो तेरकीन सेतेफेनला ठाक ॱमाशीङी सेदी घाङला, ङा होदुरुराङ हो़तालाक। धेनी खोला सेगीनक्‍यामुला ङा थी़न्‍दी, खुङक्‍याई घोलाक ॱरुङदी धेबी।’

जेपा 7:58

धेनी खुङक्‍याई खोला ढी़दी ग्‍याजा फीला तो़न्‍दी धोगोङ श्‍युरपालाक। धेनी पाङपोक्‍याई खोरी घोलाकक्‍या साउल ॱनागीन, ख्‍योक्‍तोङ च्‍यीकगी काङबारु श्‍याक्‍पालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 11:25

थेङमा सुम थुक्‍पे, ङाला भेक्‍योकगी दुजुङ। थेङमा च्‍यीक ङाला धोगोङगी श्‍युरजुङ। थेङमा सुम थुक्‍पे ङा श्‍यो़न्‍गीन डुशीङगो मेताला लाजुङ। ङीन च्‍यीक धाङ छेन च्‍यीकराङ ङा ग्‍याछोगी घुङला लेजुङ।

२ कोरीन्‍थुपा 11:26

थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।

१ थेसालोनीकेपा 2:14

पी़न्‍दाक्‍याओ, युदेयारु हो़गीन येशु मास्‍यीकाला धेपा झ्‍यीगीन, को़न्‍क्षोकगी क्षो़छोकगी लेमो झ्‍यीगीन, खेक्‍या झ्‍युजुङ घीझ्‍येरी ॱनाना खुङक्‍याला याहुदापाक्‍याई दुक्‍पु ताङगीन च्‍योक्‍रे, खेक्‍यालाः खेरी राङगी मीक्‍याई दुक्‍पु तावालाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।