जेपा 14:17 - ॱलोवा

¹⁷ खोङबागी ले शाङा झ्‍यीयेला बोर माजेपालाक। खोङबागी नाम्‍खाने क्षावा तारी धेनी धी़चो़ला लोदोक शोवा जेपालाक। शामा मेछो़ली ॱनाङदी मीक्‍याई सेम घाटोगी खाङ जेपालाक। देरे जेदी को़न्‍क्षोकगी क्षाक्‍लेक्‍याईराङ, खोङबागी पाङपो ॱनाङालाक।”

जेपा 14:17 Iomraidhean Croise

मेथा 5:45

देरे झ्‍यीना खेक्‍या नाम्‍खे श्‍यीङखामदु श्‍युक्‍कीन, खेरी यापगी से धाङ सेमो झ्‍युङगीलाक। घीझ्‍येरी ॱनाना खोङबागी मी ङेन्‍पा धाङ शाङपो ॱङीगाराला, राङगी ङीमा स्‍यारतु च्‍युक्‍वालाक धेनी ढाङपो धाङ मेढाङा ॱङीगारागी खाला क्षावा पावा जेदालाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

जेपा 14:18

दे लाब घीरी ॱनेरी पाउलु धाङ बारनाबा, राङला पुयेला डाढीक झ्‍येजा ॱमारछो़ला ॱमीच्‍यीकी काल्‍ले झ्‍येरी काक थुक्‍पालाक।

जेपा 17:26

खोङबागी मी च्‍यीकने, जाम्‍बुलीङ नाङगी मीरीक घीरी को़ ॱनाङजुङ। खोङबागीराङ होदे मीक्‍याई पी़घोगीन मीछेगी धी़चो़ धाङ धेघोगीन साजा एम्‍मानेराङ को़ जे हो़तालाक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।