52 धेनी धेपा झ्यीगीनक्या घाटो धाङ धाम्पे थुक्ङीगी खावालाक।
नाम्खे श्यीङखामदु खेक्याई क्षीला ज्यागा क्षे हो़तालाक होझ्येरी घागा-कीगी झ्यी घीझ्येरी ॱनाना खेक्याई एन्ला हो़गीन ॱङो़नस्येखेनक्याला, खुङक्याई देरेराङ झ्येरी दुक्पु तावालाक।
होझ्येरी आन्तीयोकदु हो़गीन धेपा-झ्यीगीनक्याई, युदेयारु धेगीन पी़नक्याला रोवा झ्यीयेला, मीरी-मीरीने घी थुक्तु कुरये ढो़ झ्येवालाक।
धेनी खुङक्या घीरी धाम्पे थुक्ङीगी खावालाक धेनी धाम्पे थुक्ङीगी केरीक श्येम्मा श्येम्माला लाब ताङयेला, खुङक्याला रोवा जेपालाक।
धेनी ङीमा च्योई खुङक्या क्षो़खाङदु जोमालाक। धेनी नाङ-नाङदु जोम्दी, ङ्यामो घेरी क्षाबोमा झ्येरी शामा शालाक।
खुङक्याई ॱमो़लाम ग्याप सारती, स्याम्ला खुङक्या धेजा सागो लीङ-लीङ झ्येवालाक। धेनी खुङ घीरी धाम्पे थुक्ङीगी खावालाक धेनी को़न्क्षोकगी का ॱलोगोक क्षे झ्येरी स्येपालाक।
येशुगी छेनगी क्षीला दुक्पु ङ्याङरीन खाये हो़गीन, को़न्क्षोकगी खुङक्याला ॱनाङजुङ ॱनेरी ङ्यामो घी-घी, खुङक्या होदे छोक्पा क्षेने लोक्ती सोवालाक।
घीझ्येरी ॱनाना को़न्क्षोकगी ग्यासी नी, शाये धाङ थुङये मालाक हीना धाम्पे थुक्ङीगी नाङ ढाङतेन धाङ श्यीदे धाङ घाटो लाक।
धा धाम्पे थुक्ङीगी नी़थुने खेक्याई रेवा मेछो़ली फेयेगी क्षीदु, रेवागी को़न्क्षोकगी खेक्याला धेपागी थोक्ने, घाटो धाङ श्यीदे हो़लेगी खाङवास्योक।
देचो़ च्यीगा मेन्दा, होराङ होरी दुक्ङेलला घाटो झ्यीदालाक घीझ्येरी ॱनाना दुक्ङेलगी शो़पा
खुङक्या दुङा छाप्क्षेगी छो़तागी घुङदुवाः ॱमीच्यीकी उटे झ्येरीयाः, घाटो क्षेगी गोने खुङक्याई ॱमेफाङा श्यान्देप पुवालाक।
हीना धाम्पे थुक्ङीगी ढेबुगो झाम्पा धाङ घाटो धाङ श्यीदे धाङ शो़पा धाङ ॱङीङजे धाङ शाङपो धाङ ॱलो का थुप्कीन धाङ
ॱमीच्यीकी दुङा क्षेगी खोकलाः खेक्याई धाम्पे थुक्ङीगी घाटो थोक्ने ताम्शाङगो खेलेन्दी, खेक्या हे धाङ चोवोगी लेमो झ्यीगीन झ्युवालाक।
ङी पी़नक्याओ, खेक्याला काङे ॱनाछोक ठेदी घाङला, होदेला घाटो क्षे ची च्यीक।
हीना मास्यीका शीजेला ॱङो़न्दी घाङला, खेक्या ॱमीच्यीकी ङ्यामो घा धाङ घाटो केयेगी क्षीला, धान्दा खेक्या मास्यीकागी दुक्पुमुला खुरी घाङला ङ्यामो घा झ्यी।
