जेपा 13:47 - ॱलोवा

⁴⁷ घीझ्‍येरी ॱनाना चोवोगी हेला ‘जाम्‍बुलीङगी था थुक्‍पे मीक्‍याई थारपा थोप्‍पास्‍योक ॱनेरी, ङी खेक्‍याला याहुदापा मेन्‍गीन मीरीकक्‍याई खोक्‍दु हो़क झ्‍युङयेला को़वाहीन।’ सुरी देरे का ॱनावालाक।”

जेपा 13:47 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मारकु 16:15

धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।