जेपा 13:43 - ॱलोवा

⁴³ छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 13:43 Iomraidhean Croise

मेथा 23:15

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या मी च्‍यीकला याहुदापा क्षो़ला ग्‍युरतु च्‍युक्‍येला, ग्‍याछो धाङ काम्‍साक्‍याला कोरा ग्‍यालाक। धेनी मी दे याहुदापा क्षो़ला ग्‍युरसाना, खेक्‍या खोला राङने दाप ॱङीने ल्‍हाक ॱङ्यावागी भु शोवालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

जेपा 17:17

होझ्‍येरी खो याहुदापाक्‍या धाङ को़न्‍क्षोकला चीगीन, गीरीक मीक्‍यामुला छोक्‍खाङदु सोरी चो़लीङ झ्‍यीदालाक धेनी ठोमला ग्‍युक्‍कीन मीक्‍यामुलाः च्‍योई येशुगी कोरला चो़लीङ झ्‍यीदालाक।

जेपा 17:34

खुङक्‍याने मी रीङगागी धेपा झ्‍येरी पाउलुमुला सोवालाक। होदेक्‍याने च्‍यीक आरेओपागुगी दीओनुसीउ ॱनागीन, मी धाङ श्‍येम्‍मा धामारी ॱनागीन केमी लाक। धेनी मी श्‍येम्‍माक्‍यागीया चोवोला धेपा झ्‍येवालाक।

जेपा 17:4

धेनी होदेने याहुदापा मी रीङगा धाङ को़न्‍क्षोकला जीक्‍टा झ्‍यीगीन, गीरीक मी माङक्षे धाङ चो केमी माङक्षेगीयाः पाउलुगी लाबला धेपा झ्‍येवालाक। धेनी खुङक्‍या पाउलु धाङ सीलवानुमुला सोवालाक।

जेपा 18:7

होदे स्‍याम्‍ने पाउलु याहुदापाक्‍याई छोक्‍खाङने थो़न्‍दी, को़न्‍क्षोकला चीगीन तीतीउस युसीतो ॱनागीन, याहुदापा मेन्‍गीन मीगी नाङला सोवालाक। खी़ खाङबा छोक्‍खाङ भोलोक्‍तु हो़तालाक।

जेपा 2:10

फारुगीया धाङ पामफीलया धाङ एजेप ग्‍याखाप धाङ कुरेनेगी थामाक्‍याई, लीबीयागी ग्‍याखाप धाङ रोम ग्‍याजागी मीक्‍या,

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

रोमापा 11:6

धा दे थुक्‍जेगी थोक्‍ने हीन्‍ना, मीगी लेगाला राली़दी झ्‍युवामालाक। देरे हीन्‍ना थुक्‍जेगो नी, थुक्‍जे ॱङोन्‍ने मालाक।

रोमापा 3:24

हीना राङगी थुक्‍जेगी रीङ मेगीन ॱनाङज्‍यीनने, को़न्‍क्षोकगी मी घीरीला ढाङपो जेदालाक। दे नी, मीक्‍याला धीक्‍पाने थारपा जेगीन, येशु मास्‍यीकागी थोक्‍ने जेदालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

२ कोरीन्‍थुपा 5:11

चोवोला कुरती झ्‍यीयेगो हेक्‍याई स्‍येगीन झ्‍येरी, हेक्‍या मी श्‍येम्‍माक्‍याला च्‍याक ग्‍यावीहो़क। हेक्‍या घारे हो़गीनगो को़न्‍क्षोकगी खेन्‍दा जेदालाक धेनी खेक्‍याई सेम्‍बा नाङदुवाः, हेक्‍याला ङोस्‍येगीनगो हेक्‍या दो़दीहो़क।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:4

खे क्षो़ठीमने ढाङपो ग्‍युरये दो़गीनक्‍या, मास्‍यीकाने खा डारी को़न्‍क्षोकगी थुक्‍जेने माला ल्‍हीम हो़तालाक।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

तीतोस 2:11

को़न्‍क्षोकगी थुक्‍जे, मी घीरीगी थारपागी दो़नला झ्‍युवालाक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।