जेपा 13:40 - ॱलोवा

⁴⁰ होझ्‍येरी शाप-शाप झ्‍येरी धो़क धेनी ॱङो़नस्‍येखेनक्‍याई सुङसा दे लाबक्‍या, खेराङक्‍या खाला माझ्‍युङवास्‍योक।

जेपा 13:40 Iomraidhean Croise

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 6:45

‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

जेपा 15:15

ॱङो़नस्‍येखेनक्‍याई देरेराङ ढीक हो़तालाक

जेपा 7:42

हीना को़न्‍क्षोकगी खुङक्‍याला ङोलोक जेपालाक धेनी ङीमा धाङ दावा धाङ कारमाक्‍याला क्षाक्‍क्षो़पा पुयेला भोर श्‍याक्‍पालाक। ॱङो़नस्‍येखेनक्‍याई धेपला, दी कोरला देरे ढीक हो़तालाक, ‘ईस्‍राएल्‍पा मीक्‍याओ, खेक्‍या लो श्‍यीपच्‍यु थुक्‍पे रीतोङदु हो़ती घाङला, खेक्‍याई ङाला ॱमारछो़ धाङ क्षो़पाक्‍या पुवे?

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।