जेपा 13:39 - ॱलोवा

³⁹ येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

जेपा 13:39 Iomraidhean Croise

लुका 10:25

ङीमा च्‍यीक क्षो़ठीमगी ॱलोपो़न च्‍यीकगी, येशुला छो़ता झ्‍यीयेला लारी ॱनेवालाक, “ॱलोपो़न ला, थामेपे छेसोक थोप्‍येला ङी घी झ्‍यीघो़गुले?”

लुका 10:28

धेनी खोङबागी खोला सुवालाक, “ख्‍यी़ धेन्‍पा ॱनेजुङ। धा ख्‍यो़ देरे झ्‍यी धेनी ख्‍यो़ सो़न्‍पो ॱनेगीलाक।”

लुका 18:14

धेनी येशुगी सुवालाक, “ङा खेक्‍याला ॱनाहीन, श्‍येम्‍मा मीगो मेन्‍दा, दे मी दे को़न्‍क्षोकगी डुङदु याङदाक्‍पा झ्‍युरी, खोरी नाङला लोक्‍पालाक। घीझ्‍येरी ॱनाना राङला थोवा शोगीनक्‍या, घीरी ॱमावा जेगीलाक धेनी राङला ॱमावा शोगीन घीरीला थोवा जेगीलाक।”

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

रोमापा 10:10

घीझ्‍येरी ॱनाना खेक्‍याई सेमने धेपा झ्‍येरी ढाङपो चीलालाक। धेनी खाने खेलेन्‍दी थारपा थोबालाक।

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 5:9

धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

रोमापा 9:31

हीना क्षो़ठीम ॱरुरी ढाङतेन थोप्‍येला काल्‍ले ग्‍याप्‍कीन ईस्‍राएल्‍पाक्‍याई, होदे डुप ॱमाथुक्‍पालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

गालातीयापा 5:3

पाउ चेगीन ॱरो चीगीन, घीरीगी क्षो़ठीमगी का घीरी ॱरुङ घो़गुलाक, ॱनेरी ङा याङदा पाङपो झ्‍यीदाहीन।

ईब्‍रीपा 10:11

क्षो़पो़न हो़ले श्‍याक्‍मो ढाङी राङगी श्‍याप्‍ची डुप्‍येला, ॱमारछो़ ॱना च्‍यीक धाब्‍ले कुल्‍ले पुलालाक। धेनी क्षो़पा दी धीक्‍पा नामाः से ॱमीथुक्‍वालाक।

ईब्‍रीपा 10:4

घीझ्‍येरी ॱनाना ॱलुङ धाङ राक्‍याई ठाकगी धीक्‍पाक्‍या से ॱमीथुक्‍वालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।