जेपा 13:3 - ॱलोवा

³ होझ्‍येरी खुङक्‍याई ॱङ्युङने धाङ ॱमो़लामगो डुप्‍सारती, खुङ ॱङीउ खाला लाक्‍पा श्‍याक्‍ती वाङ ॱनावालाक धेनी खुङक्‍याला झावालाक।

जेपा 13:3 Iomraidhean Croise

लुका 2:37

धेनी मो लो ग्‍याच्‍यु ग्‍येवी ॱलेप्‍कीन थुक्‍पे, युक्‍जामा झ्‍युवालाक। मो क्षो़खाङ भोरती ॱनामाला ॱमासोवालाक हीना ॱङ्युङनेला श्‍युक्‍ती, सोवा ग्‍याप्‍ती ङीन्‍घाङ-छेन्‍घाङ को़न्‍क्षोकला क्षाक्‍क्षो़पा पुरी धेतालाक।

जेपा 1:24

धेनी खुङक्‍याई देरे सोवा ग्‍याप्‍पालाक, “चोवो, खेराङ मी घीरीगी सेमगी लाब खेन्‍दालाक। होझ्‍येरी चोवो, दे ॱङीउने कुछाप झ्‍युरी श्‍याप्‍तोक पुयेला, खेराङगी सुला दामा झ्‍येहेतो, हेक्‍याला तो़न्‍रोजे। घीझ्‍येरी ॱनाना युदा दे लेगा देला भोरती, खो हुङजा साजाला राङ लोक्‍पालाक।”

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:4

धाम्‍पे थुक्‍ङीगी झाजा बारनाबा धाङ साउल आन्‍तीयोक ग्‍याजाने सेलुकीया ग्‍याजारु सोवालाक। होदेने खुङक्‍या ग्‍याछोने ढु ग्‍याप्‍ती, साईपुरुसला सोवालाक।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

जेपा 14:26

होदुरु डुशीङ श्‍यो़न्‍दी आन्‍तीयोक ग्‍याजारु लोक्‍पालाक। होदे ग्‍याजारुराङ एम्‍मा चोवोला धेपा-झ्‍यीगीनक्‍याई, पाउलु धाङ बारनाबाला को़न्‍क्षोकगी थुक्‍जेला पुरी, ताम्‍शाङ स्‍येगीन लेगाला झावालाक। धेनी धान्‍दा होदे लेगा डुप्‍ती, खुङक्‍या होदुरुराङ लोक्‍पालाक।

जेपा 15:40

पाउलुगी राङला रोवा झ्‍यीयेला, सीलवानुला दाम्‍बालाक। होदे स्‍याम्‍ने धेपा-झ्‍यीगीन पी़नक्‍याई, खुङक्‍याला को़न्‍क्षोकगी ॱङीङजेगी क्षाकला पुवालाक धेनी खुङक्‍या सोवालाक।

जेपा 6:6

धेनी खुङक्‍याई होदे मीक्‍याला, कुछापक्‍याई दोङला खेरती होवालाक। धेनी कुछापक्‍याई खुङक्‍याला ॱमो़लाम ग्‍याप्‍ती, राङगी लाक्‍पा खुङक्‍या खाला श्‍याक्‍पालाक।

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 5:22

क्षो़छोकगी गोठी को़येला छाटाक माझ्‍यी धेनी श्‍येम्‍मागी धीक्‍पाला माडे। राङ चाङमा धो़क।

२ तीमोथेउ 1:6

होझ्‍येरी ङी ख्‍यी़ खाला लाक्‍पा श्‍याक्‍ती, को़न्‍क्षोकने ख्‍यो़ला थोप्‍था ॱनाङज्‍यीनगी मे दे सो़री श्‍याक्‍येला, ङा ख्‍यो़ला ढेन्‍सो़ ॱलाङाहीन।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

३ योहान्‍ना 1:6

खुङक्‍याई ख्‍यी़ झाम्‍पागी कोरला, क्षो़छोकदु पाङपो झ्‍येजुङ। को़न्‍क्षोकला थुक्‍ङेउ हुङगीन चो़लामला, खुङक्‍याई डु ग्‍याप्‍येगी क्षीदु ख्‍यी़ खुङक्‍याला च्‍योई रोवा झ्‍यीरोझ्‍यी।

३ योहान्‍ना 1:8

होझ्‍येरी धेन्‍पे दो़न्‍दु होराङमुला लेगा झ्‍यीये क्षीदु, देरे मीक्‍याला होराङ ग्‍यापक्‍यो़र झ्‍यीघो़।