जेपा 13:26 - ॱलोवा

²⁶ “पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 13:26 Iomraidhean Croise

मेथा 10:6

हीना ईस्‍राएल मीरीकगी लुक तोरताक्‍याचारु सोङ।

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

लुका 1:69

खोङबागी राङगी ॱयोक्‍पो दावीदगी ग्‍युपाने, होरी क्षीला थारपे राक्‍योक च्‍यीक ॱलाङा जेदुक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:35

मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”

जेपा 22:5

ङी ॱनागीन दे लाबक्‍या धेन्‍पा लाक ॱनेरी, चो क्षो़पो़न धाङ छोक्‍दी़गी गोठीक्‍याः पाङपो लाक। खोङबाक्‍याईराङ ङाला दामासेकोरु हो़गीन, याहुदापा पी़नक्‍याई मीङला यीक कुरपालाक धेनी होदे यीक देला चोवो येशुला धेपा-झ्‍यीगीनक्‍याला शीम्‍येगी आङजा, ङाला ॱनाङ हो़तालाक। होझ्‍येरी होदेक्‍याला येरुसालेमदु ठीक्‍ती क्षेपा कायेला, ङा दामासेकोरु सोवी।”

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 5:20

“क्षो़खाङक्‍याला सोरी मीक्‍याला दे मीछे साबागी लाब घीरी स्‍ये।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।