जेपा 13:23 - ॱलोवा

²³ खोङबागी जेजा धाम्‍चा डुप्‍ती, को़न्‍क्षोकगी ईस्‍राएल्‍पाक्‍याई क्षीला ग्‍यावु दावीदगी ग्‍युपाने राङ क्‍योप्‍खेन च्‍यीक झाङा जेसुङ। खोङबा नी येशु लाक।

जेपा 13:23 Iomraidhean Croise

मेथा 1:1

आब्‍राहामगी ग्‍युपा, ग्‍यावु दावीदगी ग्‍युपा, येशु मास्‍यीकागी दुङग्‍यु नी,

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 21:9

धेनी खोङबागी दोङ धाङ ग्‍यापला ग्‍युक्‍कीन मीछोकक्‍याई केक ग्‍याप्‍ती ॱनेवालाक, “दावीदगी सेला होसान्‍ना, चोवोगी छेनने फेप्‍कीन, खोङबा घीन्‍गी झ्‍यीलाप क्षे! थोस्‍योकरु हो़गीनगोला होसान्‍ना!”

मेथा 22:42

सुवालाक, “मास्‍यीकागी कोरला खेक्‍याई घी सामी हेतो? खोङबा सी़ से ले?” खुङक्‍याई खोङबा दावीदगी से लाक ॱनेरी लेन श्‍यी़वालाक।

लुका 1:69

खोङबागी राङगी ॱयोक्‍पो दावीदगी ग्‍युपाने, होरी क्षीला थारपे राक्‍योक च्‍यीक ॱलाङा जेदुक।

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 7:42

मास्‍यीका नी, ग्‍यावु दावीदगी दुङग्‍युने धेनी दावीदगी फायु बेथलेहेमने फेप्‍कुलाक ॱनेरी, सुङरापगी नाङ ढीक हो़तामाले?”

जेपा 13:32

धा हेक्‍या खेराङक्‍याला दे ताम्‍शाङ स्‍येयेहीन, को़न्‍क्षोकगी होरी धाङबी फामाक्‍याला जेजा धाम्‍चा,

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 11:26

धेनी देरे झ्‍येरी ईस्‍राएल्‍पा घीरीला थारपा थोप्‍कीलाक। सुङरापला देरे ढीक हो़तालाक, “क्‍याम्‍गो़न नी सीयोनने फेप्‍कीलाक, खोङगी याकोबने लेङेन घीरी मेताला जेगीलाक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”