जेपा 13:2 - ॱलोवा

² खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:2 Iomraidhean Croise

मेथा 17:21

[हीना देरे डेगो ॱमो़लाम ग्‍याप्‍ती, ॱङ्युङनेला धेती च्‍यीगा, तो़न थुक्‍कीलाक।]”

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 9:38

होझ्‍येरी लोदोकगी चोवोला, राङगी लोदोक धुयेगी छीला मीलाकक्‍या ताङरो जे ॱनेरी, ॱमो़लाम श्‍यी़।”

लुका 10:1

होदे स्‍याम्‍ने, चोवोगी श्‍येम्‍मा मी धी़न्‍चु धो़न्‍ङीला दामा जेपालाक धेनी खुङक्‍याला मी ॱङी-ॱङी झ्‍येरी, खोङबाराङ फेप्‍ये जेगीन ग्‍याजा धाङ यु घीरीला खोङबागी एन्‍ला झावालाक।

लुका 2:37

धेनी मो लो ग्‍याच्‍यु ग्‍येवी ॱलेप्‍कीन थुक्‍पे, युक्‍जामा झ्‍युवालाक। मो क्षो़खाङ भोरती ॱनामाला ॱमासोवालाक हीना ॱङ्युङनेला श्‍युक्‍ती, सोवा ग्‍याप्‍ती ङीन्‍घाङ-छेन्‍घाङ को़न्‍क्षोकला क्षाक्‍क्षो़पा पुरी धेतालाक।

जेपा 10:19

धेनी पेटो होदे थोङनाङगी दो़न्‍दाकगोला, धोराङा गो थोम्‍दी धेदी घाङला धाम्‍पे थुक्‍ङीगी सुवालाक, “मी सुम ख्‍यो़ला चारु होदुक।

जेपा 10:30

कोरनेलीहुगी लेन तेरपालाक, “ङीमा श्‍यी एन्‍ला दे धी़चो़ देलाराङ, ङीङमो छुची सुम्‍बा चो़ला, ङा ङारी नाङदु ॱमो़लाम ग्‍याप्‍ती धेहो़क। धेनी ॱहाताक्‍पाला हो़क ग्‍याप्‍कीन घोलाक घो़न्‍गा, मी च्‍यीक ङी दोङदु लारी धेजुङ

जेपा 13:3

होझ्‍येरी खुङक्‍याई ॱङ्युङने धाङ ॱमो़लामगो डुप्‍सारती, खुङ ॱङीउ खाला लाक्‍पा श्‍याक्‍ती वाङ ॱनावालाक धेनी खुङक्‍याला झावालाक।

जेपा 13:4

धाम्‍पे थुक्‍ङीगी झाजा बारनाबा धाङ साउल आन्‍तीयोक ग्‍याजाने सेलुकीया ग्‍याजारु सोवालाक। होदेने खुङक्‍या ग्‍याछोने ढु ग्‍याप्‍ती, साईपुरुसला सोवालाक।

जेपा 14:26

होदुरु डुशीङ श्‍यो़न्‍दी आन्‍तीयोक ग्‍याजारु लोक्‍पालाक। होदे ग्‍याजारुराङ एम्‍मा चोवोला धेपा-झ्‍यीगीनक्‍याई, पाउलु धाङ बारनाबाला को़न्‍क्षोकगी थुक्‍जेला पुरी, ताम्‍शाङ स्‍येगीन लेगाला झावालाक। धेनी धान्‍दा होदे लेगा डुप्‍ती, खुङक्‍या होदुरुराङ लोक्‍पालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 4:36

धेनी धेपा-झ्‍यीगीनक्‍याने साईपुरुस ग्‍याखापगी योसेफ ॱनागीन, लेवी मी च्‍यीक हो़तालाक। कुछापक्‍याई खी़ मीङ बारनाबा (सेमस्‍युकगी भु) ॱनेरी ताक्‍पालाक।

जेपा 6:4

धेनी हेक्‍या हेरी धी़चो़ घीरी ॱमो़लाम ग्‍याप्‍ये धाङ को़न्‍क्षोकगी का स्‍येयेला तेरयेहीन।”

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

१ कोरीन्‍थुपा 12:11

दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।

२ कोरीन्‍थुपा 6:5

धेनी दुङदाक फोक्‍वाराङ धेनी चो़न नाङदु छी़दाराङ धेनी शीङटा लाङाराङ धाङ काल्‍ले ग्‍याराङ धेनी ॱङी मेताराङ धेनी फोवा तोक्‍वाराङ,

गालातीयापा 1:15

हीना ङा ॱमाकेगीन एन्‍लाराङ ङाला राजा पेरी दामा जेगीन, धाङ राङगी थुक्‍जे थोक्‍ने भो़ जेगीन को़न्‍क्षोकगी थुक्‍ङेउ जेदी,

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

कोलोसेपा 4:17

धेनी आरकीप्‍पोला, “चोवोगी गोने ख्‍यो़ला थोप्‍था लेगेनगो, ख्‍यी़ घाङगी झ्‍येरी हीन्‍ना डुप्‍पा झ्‍यी।” ॱनेरी ॱनो़।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

२ तीमोथेउ 4:11

लुका च्‍यीगा ङीमुला हो़क। ङी श्‍याप्‍तोकगी लेगाला, मारकु ङाला फेन थोक्‍वा झ्‍येरी, खोला चारी ख्‍यी़मुला ठीक्‍ती स्‍योक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 5:4

मी सी़याः चो क्षो़पो़नगी घोक्‍जा दे, राङगी थेदी मेलेन्‍दालाक हीना आरोनला भो़पा च्‍योक्‍रे, खोला को़न्‍क्षोकगी भो़ जेदालाक।