जेपा 13:15 - ॱलोवा

¹⁵ मोशेगी ॱनाङना क्षो़ठीम धाङ ॱङो़नस्‍येखेनक्‍याई ढीक्‍टा धेपने ढोक सारती, छोक्‍खाङगी पो़न्‍पोक्‍याई पाउलु धाङ बारनाबाला केक तारी ॱनेवालाक, “नोक्‍याओ! खेराङक्‍यामुला मीक्‍याला सेमस्‍युक ॱनाङगीन लाब रे हो़ना सुङरोनाङ।”

जेपा 13:15 Iomraidhean Croise

मारकु 5:22

धेनी छोक्‍खाङगी पो़न्‍पोक्‍याने याईरोस ॱनागीन पो़न्‍पोगो होदुरु होवालाक। धेनी येशुला ज्‍यारी, खोङबागी श्‍याप्‍डुङला क्षाक छावालाक,

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

जेपा 1:16

“पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

जेपा 13:27

हीना येरुसालेमदु धेगीनक्‍या धाङ खुङक्‍याई पो़न्‍पोक्‍याई येशुला क्‍याम्‍गो़नगो लाक ॱनेरी ङो ॱमास्‍येवालाक। ॱङो़नस्‍येखेनक्‍याई क्षो़ठीमला ढीक्‍टा लाब धाम्‍पे ङासुगीन ङीमाला च्‍योई ढोक्‍कीन झ्‍येरीया, खुङक्‍याई ॱहामाघोरपालाक। येशुला सेये छेपा तेरती खुङक्‍याई क्षो़ठीमला, खोङबागी कोरला ढीक्‍टा लाबगो डुप्‍पालाक।

जेपा 15:21

घीझ्‍येरी ॱनाना मोशेगी ॱनाङना क्षो़ठीमगो एम्‍मानेराङ, ङासुगीन ङीमा तेनग्‍याङ छोक्‍खाङक्‍याला ढोक्‍कीन झ्‍येरी, खी़ ॱलापच्‍याक्‍या ग्‍याजा घीरीला स्‍ये हो़तालाक।”

जेपा 15:7

धेनी खुङक्‍याई ढो़ झ्‍येसारती पेटो लारी, खुङक्‍याला ॱनेवालाक, “पी़न्‍दाक्‍याओ, को़न्‍क्षोकगी खेराङक्‍या नाङने याहुदापा मेन्‍गीन मीरीकक्‍याला ताम्‍शाङ ङी खाने ॱनेरी, धेनी खुङक्‍याई ङेन्‍दी धेपा झ्‍यीयेला ङाला दाम्‍बालाक ॱनेरी, खेराङक्‍याला क्षा हो़तालाक।

जेपा 18:17

धेनी देक्‍या घीरीगी छोक्‍खाङगी पो़न्‍पो सोसथेनेला शीम्‍दी, होदे ठीम चेजा साजागी दोङलाराङ खोला दुवालाक। हीना गाल्‍यो़नगी घीया या माझ्‍येवालाक।

जेपा 18:8

याहुदापा छोक्‍खाङगी चो कीरीस्‍पु ॱनागीन, मी धाङ खी़ नाङमी घीरीगी चोवोला धेपा झ्‍येवालाक धेनी कोरीन्‍थुगी मी श्‍येम्‍मा ॱमीच्‍यीकी माङागीयाः, पाउलुगी ॱलापच्‍या ङेन्‍दी धेपा झ्‍येरी ठी़सो़ लेन्‍बालाक।

जेपा 2:29

“पी़नक्‍याओ, होरी मेमे दावीद नी ढोवालाक धेनी धी़ठोदु कुङबालाक धेनी खोङगी धी़ठो धान्‍दा थुक्‍पे हो़तालाक ॱनेरी, ङा ॱलोगोक झ्‍येरी खेक्‍याला ॱनाथुक्‍ई हो़क।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 20:2

होदुरु ॱलेप्‍ती साजा-साजाला सोरी, धेपा-झ्‍यीगीनक्‍याला सेमस्‍युक पारपालाक। धेनी खो गीरीसला सोवालाक।

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 4:36

धेनी धेपा-झ्‍यीगीनक्‍याने साईपुरुस ग्‍याखापगी योसेफ ॱनागीन, लेवी मी च्‍यीक हो़तालाक। कुछापक्‍याई खी़ मीङ बारनाबा (सेमस्‍युकगी भु) ॱनेरी ताक्‍पालाक।

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

१ कोरीन्‍थुपा 14:3

हीना याङ ॱङो़न स्‍येगीनक्‍या मीक्‍याला यारके ताङये धाङ सेमस्‍युक तेरये धाङ सेम्‍सो पारयेला, खुङक्‍यामुला लाब ताङालाक।

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

ईब्‍रीपा 13:22

पी़नक्‍याओ, ङी खेक्‍याला यीक तुङ-तुङ च्‍यीक ढीक हो़क। धेनी ङी ॱलापच्‍याक्‍याला शो़पा झ्‍यी ॱनेरी, ङा श्‍योवा पुलाहीन।