जेपा 13:14 - ॱलोवा

¹⁴ पाउलु धाङ बारनाबागो, पेरगेने पीसीदीया ग्‍यारापगी आन्‍तीयोक ग्‍याजारु सोवालाक धेनी धाम्‍पे ङासुगीन ङीमाला होदे मी ॱङी छोक्‍खाङदु सोरी धेपालाक।

जेपा 13:14 Iomraidhean Croise

लुका 4:16

येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।

जेपा 13:42

पाउलु धाङ बारनाबा छोक्‍खाङने थो़न्‍दी घाङला मीक्‍याई, “श्‍येम्‍मा ङासुगीन ङीमाला दे लाबक्‍याई कोरला हेला धोराङा सुङरोनाङ” ॱनेरी श्‍योवा पुवालाक।

जेपा 13:44

श्‍येम्‍मा ङासुगीन ङीमाला ताम्‍शाङ ङेन्‍येला, ग्‍याजागी मी माङक्षे घीरी रुप्‍ती होवालाक।

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 13:5

सालामी ग्‍याजारु ॱलेप्‍ती, याहुदापाक्‍याई छोक्‍खाङक्‍या नाङदु जुरी, खुङक्‍याई को़न्‍क्षोकगी का स्‍येपालाक। होदे लेगाला रोवा झ्‍यीयेला, खुङक्‍याई मारकु ॱनागीन योहान्‍नालाः मुला ठीक हो़तालाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 16:13

ग्‍याजागी फीला चाङबुगी थामाला याहुदापाक्‍याई सोवा ग्‍याप्‍जा साजा हो़टु ॱनेरी, साम्‍दी हेक्‍या ङासुगीन ङीमाला होदुरु सोवी। धेनी होदुरु जोम्‍दी धेता भोमोक्‍यामुला धेदी लाब तावी।

जेपा 17:2

च्‍योई च्‍योक्‍रे पाउलु होदे छोक्‍खाङदुवा सोवालाक। धेनी धी़न्‍डा सुमगी ङासुगीन ङीमा सुम्‍गाराला, खी़ सुङरापला तो़न्‍दी खुङक्‍यामुला चो़लीङ झ्‍येवालाक।

जेपा 18:4

धेनी ङासुगीन ङीमा घीरीला पाउलु च्‍योई छोक्‍खाङला सोरी, याहुदापाक्‍या धाङ गीरीकक्‍या ङीगाराला चो़लीङ झ्‍येरी खेलेन्‍दु च्‍युक्‍येला स्‍युक ग्‍याप्‍पालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।