जेपा 13:12 - ॱलोवा

¹² चोवोगी ॱलापच्‍याला हो़गीन स्‍युक थोरी, पो़न्‍पो क्षेगो ॱमीच्‍यीकी ॱहालेवालाक धेनी खी़ चोवो खाला धेपा झ्‍येवालाक।

जेपा 13:12 Iomraidhean Croise

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

लुका 4:22

मी घीरीगी खोङबाला तो़टा तावालाक। धेनी खोङबागी श्‍यालने थो़न्‍दा सुङ ॱङेम्‍बोक्‍या ङेन्‍दी ॱहाङसावालाक। धेनी खुङक्‍याई ॱनेवालाक, “दे योसेफगी भीजागो माले?”

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

योहान्‍ना 7:46

धेनी क्षो़खाङगी ॱरुङमाकक्‍याई ॱनेवालाक, “मी सी़या खी़ च्‍योक्‍रे क्षो़ नामा सुङ माङ्युङ।”

जेपा 13:48

दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।

जेपा 13:49

चोवोगी का होदे साजागी छोक घीरीला ख्‍याप्‍पालाक।

जेपा 13:7

होदे ॱमीक्‍ठुल झ्‍यीगीन दे साईपुरुसगी सेरगेहु पाउलुस ॱनागीन, पो़न्‍पो क्षेगी नाङला डोजीक झ्‍यीदालाक। सेरगेहु पाउलुसगो मी खेवा च्‍यीक लाक। खोला को़न्‍क्षोकगी का ङेन्‍ये दो़पा झ्‍येरी, बारनाबा धाङ साउलला केक ताङदु झावालाक।

जेपा 13:8

हीना एलुमास ॱनागीन ॱमीक्‍ठुल झ्‍यीगीनगी (दे खी़ गीरीक मीङ लाक) बारनाबा धाङ साउलला दुक्‍पु तेरती, पो़न्‍पो क्षेगोला धेपाने खा ॱलोक्‍ये झ्‍येवालाक।

जेपा 15:35

पाउलु धाङ बारनाबा धी़चो़ घाजीङ आन्‍तीयोकदु धेपालाक धेनी श्‍येम्‍मा मी माङामुला छाम्‍दी चोवोगी ॱलापच्‍या तेरती ताम्‍शाङ स्‍येपालाक।

जेपा 15:36

धी़चो़ घाजीङ स्‍याम्‍ने पाउलुगी बारनाबाला ॱनेवालाक, “धा होराङगी को़न्‍क्षोकगी का स्‍येसा ग्‍याजा घीरीला धाब्‍ले ढो। होदुरु हो़गीन धेपा-झ्‍यीगीन पी़नक्‍या घारे दुओ ॱनेरी, तारु डो।”

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 19:10

देरे झ्‍येरी लो ॱङी जोक्‍पालाक धेनी एशीयादु हो़गीन, याहुदापा धाङ याहुदापा मेन्‍गीन मीरीकगी मीक्‍यागीयाः चोवोगी का ङेन्‍बालाक।

जेपा 19:20

देरे झ्‍येरी चोवोगी का टाम्‍दी सोरी धेनी ॱमीच्‍यीकी वाङक्षे झ्‍युवालाक।

जेपा 19:38

धा देमेतीरीहु धाङ खी़ लेरोकक्‍याला ठीम श्‍युघोये हो़ना, ठीम चेजा हो़तालाक धेनी होदुरु ठीम्‍पो़नक्‍या हो़तालाक। धेनी खुङक्‍याई ठीम होदुरु कास्‍योक।

जेपा 19:7

खुङक्‍या मी च्‍युक ॱङी हो़तालाक।

जेपा 28:7

होदे साजा डामदु होदे ॱलीङठेनगी पो़न्‍पो पुपलीहुगी सा हो़तालाक। खी़ हेक्‍याला ॱङीङजे झ्‍येरी खोरी नाङदु भो़री, श्‍याक्‍मो सुम थुक्‍पे डो़न कासोङ।

जेपा 6:10

हीना धाम्‍पे थुक्‍ङीगी सेतेफेनला देरे रीक्‍पा ॱनाङालाक। धेनी खो लाब ताङी घाङला, मीक्‍या खी़ खाप्‍टा ॱमाथोप्‍पालाक।

जेपा 8:25

पेटो धाङ योहान्‍नागी येशुगी पाङपो झ्‍यीये धाङ चोवोगी का स्‍येसारती, येरुसालेमदु लोक्‍पालाक। धेनी लाम्‍गाला डी़ घाङला, सामारीयागी यु माङक्षेला ताम्‍शाङगो स्‍येदी-स्‍येदी सोवालाक।