जेपा 12:9 - ॱलोवा

⁹ धेनी पेटो चो़न्‍खाङ फीला खी़ स्‍याबाला डारी सोवालाक। हीना भाङछेनगी घी झ्‍यीगीनगो ॱङोन्‍ने हीन्‍गीनगो, खी़ ॱहामाघोवा खोराङ थोङनाङ च्‍यीक थोवा हीन्‍ढु ॱनेरी साम्‍बालाक।

जेपा 12:9 Iomraidhean Croise

योहान्‍ना 2:5

खोङबागी युमगी ॱयोक्‍पोक्‍याला, “खोङबागी घी सुङगीनगो झ्‍यी।” ॱनेरी ॱनेवालाक।

जेपा 10:17

दे थोङनाङगी दो़न्‍दाकगो घी हीन्‍ढु ॱनेरी, पेटो साम्‍दी धेदी घाङला कोरनेलीहुगी झाजा मीक्‍याई सीमोनगी नाङगो ॱङेदी, खाङबागी घोरु लारी धे हो़तालाक।

जेपा 10:3

श्‍याक्‍मो च्‍यीक ङीङमो छुची सुम्‍बा चो़ला, खी़ थोङनाङला को़न्‍क्षोकगी भाङछेन च्‍यीक ॱमीच्‍यीकी साला थोरी, खोला देरे ॱनेवालाक, “कोरनेलीहु।”

जेपा 11:5

“योफा ग्‍याजारु ङा ॱमो़लाम ग्‍यावी घाङला, ङी थोङनाङ च्‍यीक थोजुङ। रे क्षे च्‍योक्‍रे च्‍यीक नाम्‍खे श्‍यीङखामने, शुर श्‍यीने ताक्‍ती, ङी खाला भाप्‍कीन ङी थोजुङ।

जेपा 12:8

धेनी को़न्‍क्षोकगी भाङछेनगी खोला ॱनेवालाक, “ख्‍यो़री काउ रेरी पोल्‍ले घो़न।” धेनी पेटोगी होदेरे झ्‍येवालाक। धेनी भाङछेनगी खोला ॱनेवालाक, “ख्‍यो़री घो़ घो़न्‍दी ङी स्‍याबाला स्‍योक।”

जेपा 26:19

“ग्‍यावु आगारीपा, नाम्‍खे श्‍यीङखामने थोथा दे थोङनाङला, ङी खा लोक्‍ती धेक ॱमाथुक्‍जुङ।

जेपा 9:10

धा, दामासेकोरु आनानीया ॱनागीन धेपा-झ्‍यीगीन च्‍यीक हो़तालाक। चोवोगी खोला थोङनाङला देरे सुवालाक, “आनानीया।” आनानीयागी लेन ग्‍याप्‍पालाक, “ला चोवो, ङा दुरु हो़क।”

ईब्‍रीपा 11:8

धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।