जेपा 12:7 - ॱलोवा

⁷ ॱहाताक्‍पाला को़न्‍क्षोकगी भाङछेन च्‍यीक होदुरु थोवालाक धेनी नाङ घीरीदु हो़क ग्‍याप्‍पालाक। धेनी भाङछेनगी पेटोला छोक च्‍यीकने घु-घु तारी ॱङी चेदी “ग्‍योक्‍जे लोङ” ॱनेरी ॱनेवालाक। धेनी खी़ लाक्‍पाने च्‍याक्‍थाकगो ढोवालाक।

जेपा 12:7 Iomraidhean Croise

मेथा 2:13

कारचीपाक्‍या सोसारती, चोवो को़न्‍क्षोकगी भाङछेन च्‍यीक योसेफगी ॱमीक्‍लामला ॱङो़न्‍दी सुवालाक, “ग्‍यावु हेरोदेगी टु दे सेयेला चाये झ्‍यीदी, होझ्‍येरी लारी टु दे धाङ खोङबागी युमला ठीक्‍ती, एजेप युदु डो़ धेनी ङी ख्‍यो़ला ॱमेनागीन थुक्‍पे होदुरुराङ धो़क।”

लुका 2:9

धेनी चोवोगी भाङछेन च्‍यीक, होदेरु खुङक्‍याचारु ज्‍यावालाक धेनी को़न्‍क्षोकगी शीजेगी हो़क, खुङक्‍याई छोक श्‍यीला ख्‍याप्‍ती, खुङक्‍या ॱमीच्‍यीकी जीक्‍पालाक।

लुका 24:4

धेनी होदेला खुङक्‍या गो थोम्‍दी धेदी घाङला, हो़क ग्‍याप्‍कीन घो़ घो़न्‍गा, मी ॱङी खुङक्‍याचारु ज्‍यावालाक।

जेपा 10:30

कोरनेलीहुगी लेन तेरपालाक, “ङीमा श्‍यी एन्‍ला दे धी़चो़ देलाराङ, ङीङमो छुची सुम्‍बा चो़ला, ङा ङारी नाङदु ॱमो़लाम ग्‍याप्‍ती धेहो़क। धेनी ॱहाताक्‍पाला हो़क ग्‍याप्‍कीन घोलाक घो़न्‍गा, मी च्‍यीक ङी दोङदु लारी धेजुङ

जेपा 12:23

हेरोदेगी मीमाङक्‍याई तो़टागो को़न्‍क्षोकला ॱमापुवा, खोराङ राङ खेलेन्‍दी लाम्‍साङ चोवो को़न्‍क्षोकगी भाङछेनगी खोला क्षेपा कावालाक। धेनी बुगी शेरी खो स्‍यीवालाक।

जेपा 12:6

हेरोदेगी पेटोला मीमाङक्‍याई दोङला ठीक्‍ती हुङये ॱनागीन छेन एम्‍मागोला, पेटो च्‍याक्‍ता ॱङीगी दाम्‍दी, ॱमाक्‍मी ॱङीगी घुङदु ङ्यारी धे हो़तालाक। श्‍येम्‍मा ॱमाक्‍मी ॱङीउ चो़न्‍खाङगी घो ॱरुरी धे हो़तालाक।

जेपा 12:8

धेनी को़न्‍क्षोकगी भाङछेनगी खोला ॱनेवालाक, “ख्‍यो़री काउ रेरी पोल्‍ले घो़न।” धेनी पेटोगी होदेरे झ्‍येवालाक। धेनी भाङछेनगी खोला ॱनेवालाक, “ख्‍यो़री घो़ घो़न्‍दी ङी स्‍याबाला स्‍योक।”

जेपा 16:26

होदे घाङला ॱहाताक्‍पाला ॱमीच्‍यीकी जीक्‍टाक्षे सुङगु ग्‍याप्‍ती, चो़न्‍खाङगी डामगोवा ठुक-ठुक झ्‍युवालाक। धेनी घोक्‍या घीरी भेवालाक धेनी चो़न्‍बा घीरीगी च्‍याक्‍थाकक्‍या डोवालाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 5:19

हीना चोवोगी भाङछेन च्‍यीक छेन्‍मो फेप्‍ती, आटागी घोगो पेवालाक धेनी कुछापक्‍याला फीला तो़न्‍दी सुवालाक,

जेपा 9:3

धेनी खो दामासेको ग्‍याजारु ॱलेप्‍कु झ्‍यीदी घाङला, ॱहाताक्‍पाला खी़ थाकोरला ॱनामने ॱमीच्‍यी हो़क साला च्‍यीक ग्‍याप्‍पालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ॱङो़न्‍पा 18:1

होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।