जेपा 12:5 - ॱलोवा

⁵ होझ्‍येरी पेटो चो़न्‍खाङदु धाक्‍पालाक हीना क्षो़छोकगी सेम तीङने, खी़ क्षीला को़न्‍क्षोकला ॱमो़लाम ग्‍याप्‍पालाक।

जेपा 12:5 Iomraidhean Croise

मेथा 18:19

याङदा ङा खेक्‍याला ॱनाहीन, दे जीक्‍तेनदु, खेक्‍याने मी ॱङी थी़न्‍दी घी श्‍यी़ना, होदे नाम्‍खे श्‍यीङखामदु श्‍युक्‍कीन ङी यापगी खेक्‍या क्षीला ॱनाङा जेगीलाक।

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

जेपा 12:12

दे ॱहाघोरती खो मारकु ॱनागीन योहान्‍नागी, आमा मीरीयामगी खाङबादु सोवालाक। होदुरु मी ॱमीच्‍यीकी माङा जोम्‍दी ॱमो़लाम ग्‍यावी धे हो़तालाक।

जेपा 12:4

याहुदापाक्‍याई पेसाकगी धी़छेन जोक्‍ती स्‍याम्‍ला, खोला मीमाङक्‍याई दोङदु ठीक्‍ये साम्‍दी, खी़ पेटोला शीम्‍दी चो़न्‍खाङ नाङदु धाक्‍पालाक। धेनी ॱमाक्‍मी च्‍युढुकने खाक श्‍यी-श्‍यी झ्‍येरी, रेमो ग्‍याप्‍ती खोला ॱरुङयेला को़वालाक।

जेपा 12:6

हेरोदेगी पेटोला मीमाङक्‍याई दोङला ठीक्‍ती हुङये ॱनागीन छेन एम्‍मागोला, पेटो च्‍याक्‍ता ॱङीगी दाम्‍दी, ॱमाक्‍मी ॱङीगी घुङदु ङ्यारी धे हो़तालाक। श्‍येम्‍मा ॱमाक्‍मी ॱङीउ चो़न्‍खाङगी घो ॱरुरी धे हो़तालाक।

१ कोरीन्‍थुपा 12:26

येन्‍लाक च्‍यीक दुक्‍पु ङ्याङना, येन्‍लाक घीरीमुला दुक्‍पु ङ्याङालाक। याङना येन्‍लाक च्‍यीकगी घुस्‍याप झ्‍युङना, येन्‍लाक घीरीमुला घाटो झ्‍यीदालाक।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

१ थेसालोनीकेपा 5:17

ॱमो़लाम ॱमेक्षेता ग्‍योप,

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।