जेपा 12:17 - ॱलोवा

¹⁷ पेटोगी खुङ घीरीला खाबा धो़क ॱनायेला जुक्‍ते झ्‍येवालाक धेनी चो़न्‍खाङने फीला चोवोगी घाङगी झ्‍येरी तो़न्‍जो ॱनेरी घीरीला स्‍येपालाक। “लाब दे याकोब धाङ पी़नक्‍याला स्‍यो़क।” ॱनेरी खो यु श्‍येम्‍मा च्‍यीकला सोवालाक।

जेपा 12:17 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

लुका 1:22

धेनी खो फीला थो़न्‍दी घाङला, मीक्‍यामुला लाब ताङ ॱमाथुक्‍पालाक। धेनी खी़ मीक्‍याला लागागी जुक्‍ते झ्‍येवालाक। हीना लाब ताङ ॱमीथुक्‍कीनगो खुङक्‍याई थोरी, धा खी़ क्षो़खाङ नाङदु थोङनाङ च्‍यीक थोदुक ॱनेरी ॱहाघोरपालाक।

योहान्‍ना 10:40

खोङबा धाब्‍ले योरदान चाङबुगी ॱहाकीनला, योहान्‍नागी एम्‍मा ठी़सो़ ॱनाङसारु फेप्‍ती, होदुरु श्‍युक्‍पालाक।

योहान्‍ना 11:54

होझ्‍येरी येशु याहुदापाक्‍याई घुङदु ॱङो़न्‍सुमदु नामा ॱमाफेप्‍पालाक। खोङबा होदेने फेप्‍ती रीतोङगी ङ्येला हो़गीन, एफराईम ॱनागीन युदु राङगी ङेनेक्‍यामुला श्‍युक्‍पालाक।

योहान्‍ना 13:24

धेनी सीमोन पेटोगी ज्‍युक्‍ते झ्‍येरी खोला ढीवालाक, “खोङगी सुला ॱमीक्‍ती सुङाले ॱनेरी श्‍यी़दाङ।”

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

योहान्‍ना 8:59

धा खुङक्‍याई खोङबाला श्‍युरयेला धोगोङ धी़वालाक हीना येशु खाबा हीप्‍ती, क्षो़खाङने फीला थो़न्‍दी फेप्‍पालाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 12:16

हीना पेटो घो धुरी धे हो़तालाक धेनी खुङक्‍याई घो पेरी ती घाङला खोला थोरी ॱमीच्‍यीकी ॱहालेवालाक।

जेपा 12:18

ॱनाम लारी पेटोला घी झ्‍युवाले ॱनेरी ॱमाक्‍मीक्‍या नाङदु ॱमीच्‍यीकी ॱङ्योक्‍टा क्षे झ्‍युवालाक।

जेपा 13:16

दे ॱहाघोरती पाउलु लावालाक धेनी लाक्‍पागी जुक्‍ते झ्‍येरी लाब दे तावालाक, “ईस्‍राएल्‍पा पी़नक्‍या धाङ को़न्‍क्षोकला धेपा झ्‍यीगीन मी श्‍येम्‍माक्‍याओ, ङी लाबला ङेन्‍रोनाङ।

जेपा 15:13

खुङक्‍याई लाब तासारती याकोबगी ॱनेवालाक, “पी़नक्‍याओ, ङी लाब ङेन आ!

जेपा 16:40

धेनी पाउलु धाङ सीलवानु चो़न्‍खाङने थो़न्‍दी, लीडीयागी नाङला सोवालाक धेनी धेपा-झ्‍यीगीन पी़नक्‍याला थुक्‍ती, खुङक्‍याला सेमस्‍युक पारती होदे साजा भोरती सोवालाक।

जेपा 19:33

याहुदापाक्‍याई आलेक्‍जेन्‍डार ॱनागीन मीला दोङदु झावालाक। धेनी मीक्‍याई होदुरु झ्‍युजा लाब ॱनो़ ॱनेरी फेरा ग्‍याप्‍पालाक। धेनी खी़ लाक्‍पागी जुक्‍ते झ्‍येरी घीरीला तीङचोई शो़री, खुङक्‍याई छोकने लाब ताङये झ्‍येवालाक।

जेपा 21:18

ॱङेटोगो पाउलुगी हेक्‍याला याकोबचारु ठीक्‍ती लाजुङ। याकोबगी नाङला क्षो़छोकगी गोठी घीरी जोम्‍दी धेदुक।

जेपा 21:40

धेनी ॱमाक्‍पो़नगी खोला लाब ताङदु च्‍युक्‍पालाक धेनी पाउलु थेपा खाला जाक्‍ती, मीक्‍याला तीङचोई धो़क ॱनेरी, लाक्‍ते झ्‍येवालाक। धेनी मीक्‍या खाबा धेदी पाउलुगी ईब्‍रीपा केकला ॱनेवालाक,

जेपा 28:15

हेक्‍या हुङगीनगो छोरती होदुरु धेपा-झ्‍यीगीन पी़नक्‍या आपेहुगी ठोम धाङ डो़न्‍खाङ सुम ॱनागीन थुक्‍पे, हेला थुक्‍तु होजुङ। खुङक्‍याला थोरी पाउलुगी को़न्‍क्षोकला थुक्‍जेक्षे श्‍युवालाक धेनी सेमस्‍युक फारपालाक।

१ कोरीन्‍थुपा 15:7

धेनी खोङ याकोब धाङ धेनी कुछाप घीरीमुला ॱङो़न जेपालाक।

गालातीयापा 1:19

हीना चोवोगी नो याकोबला माना, श्‍येम्‍मा कुछापक्‍याने सुला ङी ॱमाथो।

गालातीयापा 2:12

याकोबगी झाजा मीक्‍या ॱमालेप्‍कीन एन्‍ला, पेटो धेपा झ्‍यीगीन याहुदापा मेन्‍गीन मीरीकक्‍यामुला धेती शालाक हीना होदे मीक्‍या ॱलेप्‍ती, खो पाउ चेगीन ॱरो चीगीनक्‍यामुला जीक्‍ती, खो याहुदापा मेन्‍गीन मीरीकक्‍याने बेरी राजा धेपालाक।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।