जेपा 11:18 - ॱलोवा

¹⁸ धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 11:18 Iomraidhean Croise

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

जेपा 11:1

धेनी कुछापक्‍या धाङ युदेयारु हो़गीनक्‍याई, याहुदापा मेन्‍गीनक्‍यागीयाः को़न्‍क्षोकगी का खेलेन झ्‍येदुक ॱनेरी ॱहाघोरपालाक।

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 15:3

क्षो़छोकने झाजा मी देक्‍या फोनीके धाङ सामारीयाने झ्‍युरी, याहुदापा मेन्‍गीन मीरीकगी मीक्‍याः को़न्‍क्षोकला धेपा झ्‍यीगीन झ्‍यु हो़तालाक ॱनेरी स्‍येदी सोवालाक। दे लाब घोरती धेपा-झ्‍यीगीनक्‍या ॱमीच्‍यीकी ङ्यामो घेवालाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।