जेपा 11:12 - ॱलोवा

¹² धेनी धाम्‍पे थुक्‍ङीगी ङाला दोक्‍पा घीन्‍दा मीझ्‍यीदा, खुङक्‍यामुला सोङ सुजुङ। धेनी दुरु हो़गीन पी़न ढुक ङीमुला सोरी, हे घीरी होदे मीगी़ नाङदु सोवी।

जेपा 11:12 Iomraidhean Croise

मेथा 1:20

हीना खो देरे साम्‍लो ताङी धेती घाङला, चोवो को़न्‍क्षोकगी भाङछेन च्‍यीक खी़ ॱमीक्‍लाम नाङला ज्‍यारी, देरे सुवालाक, “दावीद ग्‍युपागी योसेफ, मीरीयामला राङगी केमी शोयेला माजीक घीझ्‍येरी ॱनाना मी़ ली़ला ॱनेगीन दे, धाम्‍पे थुक्‍ङीगी थोक्‍ने लाक।

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 10:23

पेटोगी होदे मीक्‍याला नाङदु भो़री, होदे छेन्‍मुगो ङ्यारु च्‍युक्‍पालाक। ॱङेटोगो खो डाढीक झ्‍येरी खुङक्‍यामुला सोवालाक। धेनी योफाने धेपा-झ्‍यीगीन रीङगा खी़मुला सोवालाक।

जेपा 10:45

धेनी पेटोमुला योफाने होवा याहुदापा धेपा-झ्‍यीगीनक्‍या, याहुदापा मेन्‍गीन मीरीकगी मीक्‍यालाः को़न्‍क्षोकगी धाम्‍पे थुक्‍ङीगी ॱनाङज्‍यीन ॱनाङगीनगो थोरी ॱहालेवालाक।

जेपा 11:13

खी़ हेक्‍याला भाङछेन च्‍यीक खोरी नाङदु, खी़चारु थोरी देरे सुङगीनगो हेला स्‍येजुङ, ‘योफारु मी च्‍यीकला सीमोन ॱनागीन पेटोला भो़रु झोङ।

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:4

धाम्‍पे थुक्‍ङीगी झाजा बारनाबा धाङ साउल आन्‍तीयोक ग्‍याजाने सेलुकीया ग्‍याजारु सोवालाक। होदेने खुङक्‍या ग्‍याछोने ढु ग्‍याप्‍ती, साईपुरुसला सोवालाक।

जेपा 15:7

धेनी खुङक्‍याई ढो़ झ्‍येसारती पेटो लारी, खुङक्‍याला ॱनेवालाक, “पी़न्‍दाक्‍याओ, को़न्‍क्षोकगी खेराङक्‍या नाङने याहुदापा मेन्‍गीन मीरीकक्‍याला ताम्‍शाङ ङी खाने ॱनेरी, धेनी खुङक्‍याई ङेन्‍दी धेपा झ्‍यीयेला ङाला दाम्‍बालाक ॱनेरी, खेराङक्‍याला क्षा हो़तालाक।

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 28:15

हेक्‍या हुङगीनगो छोरती होदुरु धेपा-झ्‍यीगीन पी़नक्‍या आपेहुगी ठोम धाङ डो़न्‍खाङ सुम ॱनागीन थुक्‍पे, हेला थुक्‍तु होजुङ। खुङक्‍याला थोरी पाउलुगी को़न्‍क्षोकला थुक्‍जेक्षे श्‍युवालाक धेनी सेमस्‍युक फारपालाक।

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

२ थेसालोनीकेपा 2:2

चोवोगी ङीमा ॱलेप्‍दुक ॱनेरी ॱनागीन ॱङो़नस्‍ये धाङ ताम धाङ हीकी स्‍योकने हीन्‍ढु ॱनेरी, यीक रे हुङना, लेल्‍हामोमाला खेक्‍याई सेम ठुक्‍ती माजीक।

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।