जेपा 10:7 - ॱलोवा

⁷ धेनी भाङछेनगो होदेने फेप्‍ती, खी़ लाम्‍साङ खोरी ॱयोक्‍पो ङी धाङ को़न्‍क्षोकला चीगीन, खोला श्‍याप्‍ची श्‍युगीन ॱमाक्‍मी च्‍यीकला केक तावालाक,

जेपा 10:7 Iomraidhean Croise

मेथा 2:13

कारचीपाक्‍या सोसारती, चोवो को़न्‍क्षोकगी भाङछेन च्‍यीक योसेफगी ॱमीक्‍लामला ॱङो़न्‍दी सुवालाक, “ग्‍यावु हेरोदेगी टु दे सेयेला चाये झ्‍यीदी, होझ्‍येरी लारी टु दे धाङ खोङबागी युमला ठीक्‍ती, एजेप युदु डो़ धेनी ङी ख्‍यो़ला ॱमेनागीन थुक्‍पे होदुरुराङ धो़क।”

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 3:14

धेनी ॱमाक्‍मीक्‍याई ढीवालाक, “हेक्‍यागो घी झ्‍यीये?” धेनी योहान्‍नागी खुङक्‍याला ॱनेवालाक, “जीक्‍टा कुरी धाङ क्‍यो़न शोक्‍पो चुक्‍ती, मी सुनेयाः आले ॱमाठोक। ख्‍यो़री ॱलागोला दो़पा खाङा झ्‍यी।”

जेपा 10:6

खो ग्‍याछो डामदु हो़गीन कोवा ॱङीखेन सीमोनगी खाङबादु धेदुक।”

जेपा 10:8

होदुरु झ्‍युजा घीरी खी़ खुङक्‍याला स्‍येदी, खुङक्‍याला योफारु झावालाक।

१ तीमोथेउ 6:2

दाक्‍पोक्‍या धेपा झ्‍यीगीन हीन्‍ना, धेपाला पी़न हीन साम्‍दी थोङछुङ झ्‍यीये मेतालाक। हीना खुङक्‍याई श्‍याप्‍चीगी फेन्‍दोकगो धेपा झ्‍यीगीनक्‍या धाङ राङगी चेवेक्‍याला झ्‍युङगीलाक साम्‍दी, खुङक्‍याई ॱयोल्‍ले ल्‍हाक श्‍याप्‍ची श्‍यु घोगुलाक। हुरे झ्‍यीयेलाराङ ॱलापच्‍या ग्‍योप धेनी कु।

फीलेमोन 1:16

धा देने ॱहाला खो ढेन्‍योक मेन्‍दा, हीना ढेन्‍योकले ल्‍हाक चेवे पी़न च्‍योक्‍रे लाक। ॱमीक्‍सेदु ङी क्षीदु हीना ख्‍यी़ क्षीदु खो देने ल्‍हाक ढेन्‍योक धाङ चोवोगी नाङ चेवे पी़न लाक।