जेपा 10:41 - ॱलोवा

⁴¹ मी घीरीगी खोङबाला ॱमाथोवालाक हीना खोङगी पाङपो झ्‍युङयेला, को़न्‍क्षोकगी एम्‍माने दाम्‍दा हेक्‍याई थोवालाक। खोङबा श्‍याङा जेदी खोङमुला शागीन धाङ थुङगीनगो हेक्‍या हीन।

जेपा 10:41 Iomraidhean Croise

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

लुका 24:48

दे लाबक्‍याई पाङपो खेक्‍या लाक।

योहान्‍ना 14:17

दे नी धेन्‍पा तो़न्‍गीन धाम्‍पे थुक्‍ङी लाक। जीक्‍तेनगी मीक्‍याई खोङबाला सी़ ॱमीथुक्‍कीलाक घीझ्‍येरी ॱनाना खुङक्‍याई खोङबाला ॱमेथोङालाक धेनी ङो ॱमेस्‍येलालाक। खोङबा खेक्‍यामुला ॱनेलालाक धेनी खीकी नाङ ॱनेगीलाक, होझ्‍येरी खेक्‍याई खोङला ङो स्‍येलालाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 14:22

युदागी (युदा ईस्‍कारीयोतगो मालाक) श्‍यी़वालाक, “चोवो, खेराङ जीक्‍तेनगी मीक्‍याला मेन्‍दा, हेक्‍याला ॱङो़न्‍दा जेये? दे घाङगी झ्‍येरी झ्‍युङ थुक्‍कीले?”

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:27

धेनी खेक्‍या गोमाने ङीमुला हो़गीन झ्‍येरी, खेक्‍यागीया ङी पाङपो झ्‍यीघो़।”

योहान्‍ना 21:13

येशु फेप्‍ती ग्‍याङगा ॱनुम्‍दी, खुङक्‍याला ङ्यामुला तेरपालाक।

जेपा 1:4

थेङमा च्‍यीक येशु होदेक्‍यामुला जोम्‍दी श्‍येलाक श्‍येयेला श्‍युक्‍यी घाङला, खोङबागी होदेक्‍याला देरे का ॱनावालाक, “खेक्‍या येरुसालेम माबोरा, ङी यापगी धाम्‍चा जेजागोला घुक्‍ती धो़क। होदे धाम्‍चागी क्षीला ङी खेक्‍याला एन्‍दुरु ॱनेवी,

जेपा 10:39

याहुदा धाङ येरुसालेमगी साजा घीरीदु, खोङबागी जेजा क्षाक्‍ले घीरीगी पाङपोगो, हे कुछापक्‍या हीन। खुङक्‍याई खोङबाला ग्‍याङस्‍यीङदु क्‍याङदी सेजुङ।

जेपा 13:31

गालील ग्‍यारापने खोङबामुला येरुसालेमदु होवाक्‍याई श्‍याक्‍मो ॱमीच्‍यीकी माङा थुक्‍पे, खोङबाला ज्‍याये राक्‍पालाक धेनी खुङक्‍यागो धान्‍दा ईस्‍राएलगी मीक्‍याई छीला खोङबाला ज्‍याजा पाङपोक्‍या लाक।