जेपा 10:38 - ॱलोवा

³⁸ धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 10:38 Iomraidhean Croise

मेथा 12:15

येशुगी दे खेन्‍दा जेदी, खोङबा होदेने फेप्‍पालाक। धेनी मीछोक क्षे च्‍यीक खोङबागी स्‍याबाला डावालाक धेनी खोङबागी घीरीला चो़गा जेपालाक।

मेथा 12:28

हीना ङी डेक्‍या तो़न्‍गीनगो को़न्‍क्षोकगी थुक्‍ङीने हीन्‍ना धेनी नाम्‍खे ग्‍यासी खीकी खोक्‍दु ॱलेप हो़तालाक।

मेथा 9:19

येशु या श्‍येङदी, खोरी ङेनेक्‍यामुला खी़ स्‍याबाला फेप्‍पालाक।

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मारकु 6:6

खुङक्‍याई धेपा मेगीनगो शीक्‍ती, येशु ॱहालेवालाक। धेनी खोङबा यु-युक्‍याला फेप्‍ती, क्षो़ ॱनाङा जेपालाक।

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 9:42

खो हुङी घाङला ॱनो़पागी़ खोला साला धाप्‍पालाक धेनी दाम्‍बालाक। हीना येशुगी होदे ॱनो़पाला काको़न जेपालाक धेनी टुगोला चो़गा जेदी खोरी आकीला ची ग्‍याप जेपालाक।

लुका 9:56

धेनी खोङबाक्‍या यु श्‍येम्‍मा च्‍यीकला फेप्‍पालाक।

योहान्‍ना 10:32

येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

जेपा 10:37

योहान्‍नागी ठी़सो़गी ॱलोप्‍तो़न स्‍याम्‍ने, गालीलने गो चुक्‍ती युदेया यु घीरीला झ्‍युजा लाब घीरी खेक्‍याला छा हो़तालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

ईब्‍रीपा 1:9

खेराङगी ढाङतेनला चेवा जे हो़तालाक धेनी मेढाङाला दाङा जे हो़तालाक। होझ्‍येरी को़न्‍क्षोक, खेराङगी को़न्‍क्षोकगी खेराङला राङगी रोवाक्‍याने ल्‍हाक थोवा जेदी, ॱनुम ढी़री दामा जेदी, घाटो ॱनाङ हो़तालाक।”

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।