जेपा 10:35 - ॱलोवा

³⁵ मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

जेपा 10:35 Iomraidhean Croise

लुका 1:28

धेनी नाम्‍खे भाङछेन मी़ चारु फेप्‍ती सुवालाक, “थुक्‍जे थोप्‍था ख्‍यो़ला श्‍यीदे हुङास्‍योक! को़न्‍क्षोक ख्‍यी़मुला श्‍युक्‍दुक।”

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:28

पेटोगी खुङक्‍याला ॱनेवालाक, “याहुदापा मी च्‍यीक याहुदापा मेन्‍गीन मीरीकगी नाङदु देरे झ्‍येरी जुये धाङ ढीवा झ्‍यीये याहुदापा क्षो़ठीमला ॱमीढीयालाक ॱनेरी, खेक्‍याला क्षा हो़तालाक। हीना ङी सुलाः ॱमेचाङा याङना चोक्‍पा ॱनेरी साम्‍लो ताङये मेतालाक ॱनेरी, को़न्‍क्षोकगी ङाला तो़न जेसोङ।

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

रोमापा 2:14

धेनी क्षो़ठीम मेगीन याहुदापा मेन्‍गीनक्‍याई राङश्‍यीगी क्षो़ठीमला थी़न्‍गीन लेगा झ्‍यीना, खुङक्‍याला क्षो़ठीम मेनाः खुङक्‍याराङ खोराङक्‍याई क्षीदु क्षो़ठीम झ्‍युङालाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।