जेपा 10:28 - ॱलोवा

²⁸ पेटोगी खुङक्‍याला ॱनेवालाक, “याहुदापा मी च्‍यीक याहुदापा मेन्‍गीन मीरीकगी नाङदु देरे झ्‍येरी जुये धाङ ढीवा झ्‍यीये याहुदापा क्षो़ठीमला ॱमीढीयालाक ॱनेरी, खेक्‍याला क्षा हो़तालाक। हीना ङी सुलाः ॱमेचाङा याङना चोक्‍पा ॱनेरी साम्‍लो ताङये मेतालाक ॱनेरी, को़न्‍क्षोकगी ङाला तो़न जेसोङ।

जेपा 10:28 Iomraidhean Croise

मारकु 7:2

खोङबागी ङेने रीङगागी याहुदापा क्षो़लुकला मीढीक्‍कीन झ्‍येरी, लाक्‍पा झोरा ॱमाठी़वा शागीनगो खुङक्‍याई थोवालाक।

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

योहान्‍ना 18:28

ॱङारोक ॱङात्‍ती खुङक्‍याई येशुला कायाफागी नाङने, चीख्‍यापगी फोडाङदु ठीक्‍पालाक। राङला ॱमेचाङा मेसोवा, पेसाकगी धी़छेन शायेगी क्षीला खुङक्‍या चीख्‍यापगी फोडाङ नाङदु माजुवालाक।

योहान्‍ना 4:27

होदे घाङलाराङ खोङबागी ङेनेक्‍या लोक्‍ती होवालाक। धेनी खोङबा भोमो च्‍यीकमुला, कामो़न सुङी जेगीनगो थोरी खुङक्‍या ॱहालेवालाक हीना सी़या खोङबाला “खेराङगी घोङपा घी हेतो?” याङना “खेराङ मी़मुला घीझ्‍येरी कामो़न सुङा जेदाले?” ॱनेरी माश्‍यी़वालाक।

योहान्‍ना 4:9

सामारीपा केमीगी खोङबाला श्‍यी़वालाक, “खेराङ याहुदापा च्‍यीक झ्‍येरी, ङा सामारीपा केमी च्‍यीकला, घाङगी झ्‍येरी क्षु थुङयेला ॱलाङाले?” (याहुदापाक्‍या सामारीपाक्‍यामुला ढेवा मेश्‍यालाक।)

जेपा 10:29

होझ्‍येरी ङाला लेन्‍दु झाङी घाङला, ङा दोक्‍पा घीन्‍दा माझ्‍येवा होवी। धा, ङाला घीझ्‍येरी खेराङगी केक तावो?”

जेपा 11:9

हीना नाम्‍खे श्‍यीङखामने केकगी़ धाब्‍ले सुजुङ, ‘को़न्‍क्षोकगी चाङमा शो़सागोला ख्‍यो़ ॱमेचाङा ॱनेरी ॱमाना।’