जेपा 10:22 - ॱलोवा

²² खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 10:22 Iomraidhean Croise

मेथा 1:19

धेनी मी़ ख्‍योवा योसेफ मी ढाङपो च्‍यीक झ्‍येरी, मोला ङोछारु च्‍युक्‍ङी मादो़पा, खाबा खा डायेला थाक च्‍येपालाक।

मेथा 2:12

धा ॱमीक्‍लामला हेरोदेचारु मालोक ॱनेरी ङेन्‍ता झ्‍युरी, खुङक्‍या लाम श्‍येम्‍माने राङगी युला लोक्‍पालाक।

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 23:50

धा होदुरु युदेयागी आरीमाथीया ॱनागीन ग्‍याजागी, योसेफ ॱनागीन मी शाङा ढाङपो च्‍यीक हो़तालाक। धेनी खो छोक्‍दी़गी छोक्‍मी च्‍यीक लाक धेनी खो खुङक्‍याई डो़ धाङ लेगाला ॱमाछाम्‍बालाक। खो को़न्‍क्षोकगी ग्‍यासीला रेवा झ्‍येरी धेहेतालाक।

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 13:20

ङा खेक्‍याला धेन्‍पा धेनक्‍याङ ॱनाहीन, ङी झाङगीनगोला खेलेन झ्‍यीगीनगी़ ङाला खेलेन झ्‍यीदालाक धेनी ङाला खेलेन झ्‍यीगीनगी़ ङाला ॱङाक्‍कीनगोला खेलेन झ्‍यीदालाक।”

योहान्‍ना 17:20

“ङी स्‍याम्‍ला डागीन मी देक्‍याई क्षीला च्‍यीगा मेन्‍दा, खुङक्‍याई का स्‍येगीनगी गोने, ङाला धेपा झ्‍यीगीन मीक्‍याई क्षीलाः ङा सोवा ग्‍यावीहो़क।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:63

छे ॱनाङगीनगो थुक्‍ङी लाक, ली़ने फेन्‍थोक घीया मेतालाक। ङी ॱनागीन कागो थुक्‍ङी धाङ छे हीन।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:21

पेटो माला होदे मीक्‍याचारु सोरी ॱनेवालाक, “खेक्‍याई चागीन मीगो ङा हीन। खेराङक्‍या दुरु हुङगीन दो़न्‍दाक घी ले?”

जेपा 10:30

कोरनेलीहुगी लेन तेरपालाक, “ङीमा श्‍यी एन्‍ला दे धी़चो़ देलाराङ, ङीङमो छुची सुम्‍बा चो़ला, ङा ङारी नाङदु ॱमो़लाम ग्‍याप्‍ती धेहो़क। धेनी ॱहाताक्‍पाला हो़क ग्‍याप्‍कीन घोलाक घो़न्‍गा, मी च्‍यीक ङी दोङदु लारी धेजुङ

जेपा 10:33

होझ्‍येरी ङी लाम्‍साङ खेराङला फेप श्‍युरु झावी। धेनी खेराङ दुरु फेप्‍ती घायेरे झ्‍युजुङ। धा चोवोगी खेराङला का ॱनाङना घीरी ङेन्‍येला, हेक्‍या घीरी को़न्‍क्षोकगी डुङदु दुरु जोम हो़क।”

जेपा 10:6

खो ग्‍याछो डामदु हो़गीन कोवा ॱङीखेन सीमोनगी खाङबादु धेदुक।”

जेपा 11:14

ख्‍यो़ धाङ ख्‍यी़ नाङमी घीरीला, घाङ झ्‍येरी क्‍योप्‍ये ॱनेरी, खी़ ख्‍यो़ला का ॱनाङगीलाक।’

जेपा 22:12

“धेनी होदे ग्‍याजारु आनानीया ॱनागीन मी च्‍यीक धेदालाक। खो क्षो़ठीमला चीगीन मी ढाङपो धाङ होदुरु धेगीन याहुदापाक्‍या घीरीगी चीगीन मी च्‍यीक लाक।

जेपा 24:15

धेनी देक्‍याई यीच्‍चे झ्‍यीगीन च्‍योक्‍रे, को़न्‍क्षोकगी मी शाङपो धाङ मी ङेन्‍पा घीरीला छीवाने सो़न्‍पो जेगीलाक ॱनागीन लाब देला, ङाः रेवा झ्‍यीदाहीन।

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

१ तीमोथेउ 3:7

फीदी मीक्‍यागी तादाङदुवा, खो शाङा हो़गीनगी ङेन्‍डा हुङघो़गीलाक। देरे मेन्‍ना खो ङोजा धाङ धी़कगी ॱङीपला छी़येगी ङेन्‍का हो़तालाक।

ईब्‍रीपा 10:38

ङी ढाङतेनगी मीक्‍या धेपेगोने छोवा क्‍यागीलाक, धेनी ग्‍याप लोक्‍ती डोगीनक्‍यामुला ङा मेघा हो़क।”

ईब्‍रीपा 11:2

घीझ्‍येरी ॱनाना धेपागी गोनेराङ, धाङबी मीक्‍याला को़न्‍क्षोकगी थुक्‍ङेउ जेपालाक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

३ योहान्‍ना 1:12

देमेतीरीहुगी कोरला, मी घीरीगी लाब घा ताङी धेनी धेन्‍पागीयाः देला पाङपो झ्‍यीदीक। हेक्‍याः पाङपो तेराहीन धेनी हीकी पाङपो धेन्‍पा लाक ॱनेरी, ख्‍यी़ स्‍येलालाक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।