जेपा 10:2 - ॱलोवा

² खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:2 Iomraidhean Croise

मेथा 25:17

होझ्‍येरीराङ सेरगी टाङगा ङीतोङ हो़गीनगी़, यालीङ टाङगा ङीतोङ साक्‍पालाक।

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:35

मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

जेपा 10:7

धेनी भाङछेनगो होदेने फेप्‍ती, खी़ लाम्‍साङ खोरी ॱयोक्‍पो ङी धाङ को़न्‍क्षोकला चीगीन, खोला श्‍याप्‍ची श्‍युगीन ॱमाक्‍मी च्‍यीकला केक तावालाक,

जेपा 11:14

ख्‍यो़ धाङ ख्‍यी़ नाङमी घीरीला, घाङ झ्‍येरी क्‍योप्‍ये ॱनेरी, खी़ ख्‍यो़ला का ॱनाङगीलाक।’

जेपा 13:16

दे ॱहाघोरती पाउलु लावालाक धेनी लाक्‍पागी जुक्‍ते झ्‍येरी लाब दे तावालाक, “ईस्‍राएल्‍पा पी़नक्‍या धाङ को़न्‍क्षोकला धेपा झ्‍यीगीन मी श्‍येम्‍माक्‍याओ, ङी लाबला ङेन्‍रोनाङ।

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 18:8

याहुदापा छोक्‍खाङगी चो कीरीस्‍पु ॱनागीन, मी धाङ खी़ नाङमी घीरीगी चोवोला धेपा झ्‍येवालाक धेनी कोरीन्‍थुगी मी श्‍येम्‍मा ॱमीच्‍यीकी माङागीयाः, पाउलुगी ॱलापच्‍या ङेन्‍दी धेपा झ्‍येरी ठी़सो़ लेन्‍बालाक।

जेपा 2:5

होदे धी़चो़ला येरुसालेमदु जाम्‍बुलीङगी साजा श्‍येम्‍मा-श्‍येम्‍माने, क्षो़ला चीगीन याहुदापा मीक्‍या हो हो़तालाक।

जेपा 22:12

“धेनी होदे ग्‍याजारु आनानीया ॱनागीन मी च्‍यीक धेदालाक। खो क्षो़ठीमला चीगीन मी ढाङपो धाङ होदुरु धेगीन याहुदापाक्‍या घीरीगी चीगीन मी च्‍यीक लाक।

जेपा 8:2

क्षो़वा रीङगाक्‍याई सेतेफेनगी फुङबुगो कुङबालाक धेनी खी़ क्षीला ॱमीच्‍यीकी ङुता ग्‍याप्‍पालाक।

जेपा 9:11

चोवोगी खोला सुवालाक, “लोङ धेनी खाप्‍ते ॱनागीन ॱराङगाकने सोरी, युदागी खाङबारु टारसो ग्‍याखापगी साउलला चो। खो सोवा ग्‍याप्‍ती धे हो़तालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 5:17

ॱमो़लाम ॱमेक्षेता ग्‍योप,

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”