जेपा 10:11 - ॱलोवा

¹¹ खी़ नाम्‍खे श्‍यीङखाम भेरी होदेने रे क्षे च्‍यीक, शुर श्‍यीने ताक्‍ती जाम्‍बुलीङ स्‍योकला भाप्‍कीन थोवालाक।

जेपा 10:11 Iomraidhean Croise

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

लुका 3:21

धा मी घीरीगी ठी़सो़ लेन्‍दी घाङला, येशुगीयाः ठी़सो़ श्‍येवालाक। धेनी येशु सोवा धेबी घाङला नाम्‍खागो भेवालाक

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 12:32

धेनी ङा साश्‍यीने याला फायी घाङला, ङी घीरीला राङगी डुङदु धी़येहीन।”

जेपा 10:12

होदे रेदु काङबा श्‍यी हो़गीन धी़डोक्‍या धाङ रीताक सेम्‍चेनक्‍या धाङ तोडोक्‍या धाङ ॱनामगी झ्‍या ॱना घीरी हो़तालाक।

जेपा 11:5

“योफा ग्‍याजारु ङा ॱमो़लाम ग्‍यावी घाङला, ङी थोङनाङ च्‍यीक थोजुङ। रे क्षे च्‍योक्‍रे च्‍यीक नाम्‍खे श्‍यीङखामने, शुर श्‍यीने ताक्‍ती, ङी खाला भाप्‍कीन ङी थोजुङ।

जेपा 7:56

खी़ ॱनेवालाक, “तो़दाङ, ङी नाम्‍खे श्‍यीङखाम भेगीन धाङ को़न्‍क्षोकगी ॱये स्‍योकला, मी-भु श्‍याङदी श्‍युक्‍कीनगो थोङी।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 9:4

खुङक्‍या नी, ईस्‍राएल्‍पाक्‍या लाक धेनी को़न्‍क्षोकगी राङगी से धाङ सेमो झ्‍युङयेला दाम्‍दाक्‍या लाक। खोङबागी राङगी शीजे खुङक्‍याला ॱङो़न जेपालाक। धेनी खुङक्‍यामुला धाम्‍चा श्‍या जेदी, खुङक्‍याला क्षो़ठीम ॱनाङा जेपालाक। धेनी खोङबागी खुङक्‍याला क्षो़खाङ नाङ क्षाक्‍क्षो़पा पुये धाङ उ ॱना श्‍येस्‍याक्‍या ॱनावालाक।

गालातीयापा 2:15

होराङ केने ॱहालाराङ याहुदापा झ्‍येरी “याहुदापा मेन्‍गीन मीरीक धीक्‍चेनक्‍या” ॱनागीन च्‍योक्‍रे मालाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 4:1

होदे स्‍याम्‍ने, ङी तेवी धेनी नाम्‍खे श्‍यीङखामदु घो च्‍यीक पेरी श्‍याकश्‍या, ङी थोजुङ। धेनी ङी एन्‍योकला घोरका दुङकेकगी केक च्‍योक्‍रेगी़ ङाला देरे सुजुङ, “दुरु याला स्‍योक धेनी दे स्‍याम्‍ने झ्‍युङघोये हीन्‍गीन दो़नक्‍या, ङी ख्‍यो़ला तो़न्‍दु।”