जेपा 10:1 - ॱलोवा

¹ केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 10:1 Iomraidhean Croise

मेथा 27:27

धेनी चीख्‍यापगी ॱमाक्‍मीक्‍याई, येशुला चीख्‍यापगी फोडाङदु ठीक्‍ती ॱमाक्‍खाक घीरी, खोङबागी दोङदु रुप्‍पालाक।

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मारकु 15:16

धेनी ॱमाक्‍मीक्‍याई येशुला पो़न्‍पो पीलातुगी, फोडाङगी घोरादु ठीक्‍ती ॱमाक्‍पुङ घीरीला रुप्‍पालाक।

लुका 7:2

होदुरु ग्‍यापो़न च्‍यीकला ॱयोक्‍पो ढीन्‍चेन च्‍यीक हो़तालाक। धेनी खो नेपा झ्‍युरी, स्‍यीगु झ्‍यीदी हो़तालाक।

योहान्‍ना 18:12

होदे स्‍याम्‍ने ॱमाक्‍पुङ धाङ खुङक्‍याई ॱमाक्‍पो़न धाङ याहुदापा ॱरुङमाकक्‍याई, येशुला शीम्‍दी दाम्‍बालाक।

योहान्‍ना 18:3

धा युदा ॱमाक्‍पुङ च्‍यीक धाङ क्षो़पो़न क्षेक्‍या धाङ फारुसीपाक्‍याई झाजा, क्षो़खाङगी ॱरुङमाक रीङगा ठीक्‍ती लाक्‍पादु डो़न्‍मे धाङ ॱलोकस्‍यु धाङ लाक्‍चाक्‍या, खेरती होदुरु होवालाक।

जेपा 10:24

ङीमा स्‍याम्‍मागो खुङक्‍या केसारयारु ॱलेप्‍पालाक। धेनी कोरनेलीहुगी खोरी पी़न्‍दाक्‍या धाङ रोवा ङ्येक्‍याला भो़री, खुङक्‍याला घुक्‍ती धे हो़तालाक।

जेपा 21:31

खुङक्‍याई पाउलुला सेगु झ्‍यीदी घाङलाराङ, रोमापा ॱमाक्‍पो़न च्‍यीकगी येरुसालेम ग्‍याजा घीरी ठुक्‍ती धेगीन लाब ॱहाघोरपालाक।

जेपा 21:8

ॱङेटोगो होदेने घोङपा श्‍युरी, हेक्‍या केसारयारु ॱलेप्‍पालाक। धेनी होदुरु हेक्‍या क्षो़ स्‍येगीन फीलीपगी नाङदु धेबी। फीलीपगो येरुसालेमदु श्‍याप्‍तोक पुयेला दाम्‍दा, मी धी़नने च्‍यीक लाक।

जेपा 22:25

ॱमाक्‍मीक्‍याई खोला श्‍युरयेला धाम्‍ये झ्‍यीदी घाङला, पाउलुगी खोरी बोलोक्‍तु हो़गीन ग्‍यापो़नला ॱनेवालाक, “रोमापा ठीमला रोमापा च्‍यीकगी नोन्‍डु झ्‍ये-माझ्‍ये ॱहामाघोराः, खोला ताजाक श्‍युर छोक्‍वाले?”

जेपा 23:23

होदे स्‍याम्‍ने ॱमाक्‍पो़नगी ॱमाक्‍मी ॱङीला केक तारी का ॱनावालाक, “केसारयारु धीरीङ घोमु छुची घुवाला डोयेला ॱमाक्‍मी ङीग्‍या धाङ ताला श्‍यो़न्‍गीन ॱमाक्‍मी धी़न्‍चु धाङ दुङ खेरकीन ॱमाक्‍मी ङीग्‍या डाढीक झ्‍यी।

जेपा 23:33

धेनी ताला श्‍यो़न्‍गीन ॱमाक्‍मीक्‍याई पाउलुला केसारयारु ठीक्‍ती, पो़न्‍पोला यीक तेरती खो ची ग्‍याप्‍पालाक।

जेपा 25:1

ङीमा सुम स्‍याम्‍ने, फेस्‍तु केसारयागी लुङबादु ॱलेप्‍ती होदेने येरुसालेमला सोवालाक।

जेपा 25:13

श्‍याक्‍मो घाजो़ स्‍याम्‍ने, ग्‍यावु आगारीपा खोरी नुमु बेरनीकेमुला, केसारयारु फेस्‍तुला फेप्‍सु श्‍युयेला होवालाक।

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:31

हीना पाउलुगी ग्‍यापो़न धाङ ॱमाक्‍मीक्‍याला ॱनेवालाक, “डुपाक्‍या डुशीङ नाङदु मेधेना खे घीरी स्‍यीगीलाक।”

जेपा 27:43

हीना ग्‍यापो़नगी पाउलुला क्‍योप्‍येगी दो़पा झ्‍येरी, ॱमाक्‍मीक्‍याई ढो़गो खी़ डुप्‍तु ॱमाच्‍युक्‍पालाक। धेनी खी़ क्‍या ग्‍याप थुप्‍कीनक्‍याला क्षुला क्षोरी, एन्‍ला सा काम्‍बोला सोङ ॱनेरी का ॱनावालाक।

जेपा 8:40

स्‍याम्‍ला फीलीपगी खोराङला आजोतोरु ग्‍याजारु थोवालाक। धेनी खो केसारयारु ॱमालेप्‍कीन थुक्‍पे, ग्‍याजा ॱलेप्‍सा घीरीला ताम्‍शाङ स्‍येदी-स्‍येदी सोवालाक।