जेपा 1:5 - ॱलोवा

⁵ योहान्‍नागी क्षुगी ठी़सो़ तेरपालाक हीना श्‍याक्‍मो तीते स्‍याम्‍ने खेक्‍याला धाम्‍पे थुक्‍ङीगी ठी़सो़ थोप्‍कीलाक।”

जेपा 1:5 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 3:6

धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

मारकु 1:8

ङी खेक्‍याला क्षुगी ठी़सो़ तेराहीन हीना खोङबागी खेक्‍याला धाम्‍पे थुक्‍ङीगी ठी़सो़ ॱनाङा जेगीलाक।”

लुका 3:16

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

योहान्‍ना 1:26

योहान्‍नागी लेन ग्‍याप्‍पालाक, “ङा क्षुगी ठी़सो़ तेराहीन, हीना खीकी खोक्‍दु खेक्‍याई ङो ॱमेस्‍येगीन के-भु च्‍यीक श्‍युक हो़तालाक,

योहान्‍ना 1:31

ङाराङगी खोङबाला ङो ॱमास्‍ये हीना ईस्‍राएल्‍पाक्‍याचारु खोङबा ङो टेयेला, ङी क्षुगी ठी़सो़ तेरी-तेरी होवी।”

योहान्‍ना 1:33

ङी ङाराङगी खोङला ङो ॱमास्‍ये हीना ङाला क्षुगी ठी़सो़ तेरयेला ॱङाक्‍कीनगी़ ङाला सुजुङ, ‘धाम्‍पे थुक्‍ङी सी़ खाला भाप्‍ती श्‍युक्‍कीनगो ख्‍यी़ ज्‍याली, खोङबाराङ धाम्‍पे थुक्‍ङीगी ठी़सो़ जेगीनगो हीन।’

जेपा 10:45

धेनी पेटोमुला योफाने होवा याहुदापा धेपा-झ्‍यीगीनक्‍या, याहुदापा मेन्‍गीन मीरीकगी मीक्‍यालाः को़न्‍क्षोकगी धाम्‍पे थुक्‍ङीगी ॱनाङज्‍यीन ॱनाङगीनगो थोरी ॱहालेवालाक।

जेपा 19:4

पाउलुगी ॱनेवालाक, “योहान्‍नागी ठी़सो़ दे, धीक्‍पाने ग्‍यो़पा झ्‍यीयेगी छीला लाक। योहान्‍ना खोरीराङ मीक्‍याला खोने स्‍याम्‍ला हुङगीनगोला धेपा झ्‍यी ॱनेरी सुवालाक, होदेगो येशु लाक।”

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।