जेपा 1:4 - ॱलोवा

⁴ थेङमा च्‍यीक येशु होदेक्‍यामुला जोम्‍दी श्‍येलाक श्‍येयेला श्‍युक्‍यी घाङला, खोङबागी होदेक्‍याला देरे का ॱनावालाक, “खेक्‍या येरुसालेम माबोरा, ङी यापगी धाम्‍चा जेजागोला घुक्‍ती धो़क। होदे धाम्‍चागी क्षीला ङी खेक्‍याला एन्‍दुरु ॱनेवी,

जेपा 1:4 Iomraidhean Croise

मेथा 10:20

घीझ्‍येरी ॱनाना सुङगीनगो खेक्‍या मालाक हीना खीकी थोक्‍ने, खेरी यापगी थुक्‍ङीगो लाक।

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

लुका 12:12

घीझ्‍येरी ॱनाना होदे धी़चो़लाराङ खेक्‍याई ॱना घो़गीनगो, धाम्‍पे थुक्‍ङीगी खेक्‍याला ॱलावा जेगीलाक।”

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 20:22

दे सुङसारती खोङबागी खुङक्‍याला फु ग्‍याप्‍ती सुवालाक, “धाम्‍पे थुक्‍ङी लेन च्‍यीक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 10:41

मी घीरीगी खोङबाला ॱमाथोवालाक हीना खोङगी पाङपो झ्‍युङयेला, को़न्‍क्षोकगी एम्‍माने दाम्‍दा हेक्‍याई थोवालाक। खोङबा श्‍याङा जेदी खोङमुला शागीन धाङ थुङगीनगो हेक्‍या हीन।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।