जेपा 1:16 - ॱलोवा

¹⁶ “पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

जेपा 1:16 Iomraidhean Croise

मेथा 26:14

धेनी ङेने च्‍युङङीने युदा ईस्‍कारीयोत ॱनागीनगो, क्षो़पो़न क्षेक्‍या चारु सोरी

मेथा 26:47

येशु कामो़न सुङी घाङला, ङेने च्‍युङङीने च्‍यीक युदा ॱनागीनगो क्षो़पो़न क्षेक्‍या धाङ मी गेम्‍पाक्‍याई ताता मीछोक माङा च्‍यीक राडी धाङ ग्‍युक्‍पा खेरती, हुङगीनक्‍यामुला होवालाक।

मेथा 26:54

हीना देरे झ्‍युहो़ना, सुङरापला झ्‍युङ घो़गुलाक ॱनागीनगो, घाङगी झ्‍येरी डुप्‍कीले?”

मेथा 26:56

हीना दे घीरी ॱङो़नस्‍येखेनक्‍याई सुङरापला ढीक्‍टाक्‍या, डुप्‍तु च्‍युक्‍येला झ्‍युवालाक।” धेनी ङेने घीरी खोङबाला भोरती डो़वालाक।

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

मारकु 14:43

येशु सुङी घाङला लाम्‍साङ ङेने च्‍युङङीने च्‍यीक, युदा होदुरु ॱलेप्‍पालाक। खोमुला क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ गोठीक्‍याई, मीमाङक्‍या राल्‍डी धाङ ग्‍युक्‍पा खेरती होवालाक।

लुका 22:47

येशुगी कामो़न सुङी घाङला ङेने च्‍युङङीने, युदा ॱनागीनगी़ मीछोक क्षे च्‍यीक ठीक्‍ती होदुरु होवालाक। खो येशुला ओ झ्‍यीयेला, खोङबागी भोलोक्‍तु सोवालाक।

योहान्‍ना 10:35

सुङरापला हो़गीनगो नी, च्‍योई धेन्‍पा हीन। को़न्‍क्षोकगी का थोप्‍था मीक्‍याला, ल्‍हा ॱनेरी को़न्‍क्षोकगी सुङ हो़ना,

योहान्‍ना 13:18

“ङा खे घीरीगी कोरला स्‍येदामेन। ङी दाम्‍दाक्‍याला ङा स्‍येलीहो़क। हीना सुङरापला ढीक्‍टा ‘ङी ग्‍याङगा शागीनगी़राङ ङाला दोक ग्‍याप्‍जुङ।’ ॱनागीन दे डुप घो़गीलाक।

योहान्‍ना 17:12

ङा खुङक्‍यामुला हो़ती घाङला, खेराङगी ॱनाङना छेनगी वाङ थोक्‍ने ङी खुङक्‍याला ॱरुरी क्‍योप हो़क। सुङरापला सुङगीनगो डुप्‍येगी क्षीला, तोरये हीन्‍गीन मीगो माना खुङक्‍याने च्‍यीया ॱमातोर हो़तालाक।

योहान्‍ना 19:36

सुङरापला “खोङगी रीगोक च्‍यीया ॱमेच्‍याक्‍कीलाक।” ॱनेरी ढीक्‍टा का दे डुप्‍येगी क्षीला देक्‍या झ्‍युवालाक।

जेपा 1:20

“धा, सुङगुरगी धेपला देरे ढीक हो़तालाक, ‘होदेगी खाङबा तोङबा थो़न्‍दास्‍योक, होदेरु सुवा माधेदास्‍योक। धेनी होदेगी झ्‍यीगीन लेगागी आङजा, श्‍येम्‍मागी राङ लेन्‍दास्‍योक।’”

जेपा 13:15

मोशेगी ॱनाङना क्षो़ठीम धाङ ॱङो़नस्‍येखेनक्‍याई ढीक्‍टा धेपने ढोक सारती, छोक्‍खाङगी पो़न्‍पोक्‍याई पाउलु धाङ बारनाबाला केक तारी ॱनेवालाक, “नोक्‍याओ! खेराङक्‍यामुला मीक्‍याला सेमस्‍युक ॱनाङगीन लाब रे हो़ना सुङरोनाङ।”

जेपा 13:38

होझ्‍येरी पी़नक्‍याओ, येशुने धीक्‍पा दाक्‍कीलाक ॱनेरी खेक्‍याई स्‍येलास्‍योक।

जेपा 15:13

खुङक्‍याई लाब तासारती याकोबगी ॱनेवालाक, “पी़नक्‍याओ, ङी लाब ङेन आ!

जेपा 15:7

धेनी खुङक्‍याई ढो़ झ्‍येसारती पेटो लारी, खुङक्‍याला ॱनेवालाक, “पी़न्‍दाक्‍याओ, को़न्‍क्षोकगी खेराङक्‍या नाङने याहुदापा मेन्‍गीन मीरीकक्‍याला ताम्‍शाङ ङी खाने ॱनेरी, धेनी खुङक्‍याई ङेन्‍दी धेपा झ्‍यीयेला ङाला दाम्‍बालाक ॱनेरी, खेराङक्‍याला क्षा हो़तालाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 28:25

खुङक्‍या खा ॱमाछाम्‍पा डोये झ्‍यीदी घाङला, पाउलुगी थामाला दे ॱनेवालाक, “यस्‍याया ॱङो़नस्‍येखेनने धाम्‍पे थुक्‍ङीगी, खेक्‍याई धाङबी फामाक्‍याला सुङगीन लाब दे धेन्‍पा दुक,

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।

२ पेटो 2:21

घीझ्‍येरी ॱनाना ढाङतेनगी लाम स्‍येरी, खुङक्‍याला ॱनाङना धाम्‍पे काक्‍याला ग्‍याप लोक्‍वालेः होदे लामगो नामा ॱमास्‍ये हो़ना, खुङक्‍याई क्षीदु घा झ्‍युङयेहो़क।