३ योहान्‍ना 1:9 - ॱलोवा

⁹ ङी क्षो़छोकला यीक च्‍यीक ढीक्‍पालाक हीना राङला थोस्‍योक चीगीन दीयोटेरेफे ॱनागीन, मीगी हीकी वाङला या मीझ्‍यीदा।

३ योहान्‍ना 1:9 Iomraidhean Croise

मेथा 7:8

घीझ्‍येरी ॱनाना श्‍युगीन घीरीला थोप्‍कीलाक, चागीन घीरीला ॱङेगीलाक धेनी घो दुङगीन घीरीगी क्षीला घो पेगीलाक।

मारकु 9:34

लाम्‍गाला खुङक्‍याई खोराङक्‍याने क्षेस्‍योक सु हीन्‍गीनगी कोरला, चो़पा ग्‍यापक्‍या झ्‍येरी खुङक्‍या खाबा धेपालाक।

मारकु 9:37

“ङी मीङने टु च्‍यीमे देला सी़ खेलेन्‍दी, होदेगी़ ङाला खे लेन्‍दालाक। धेनी ङाला खे लेन्‍गीनगी़, ङा मेन्‍दा ङाला ताङगीनला खे लेन्‍दालाक।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

३ योहान्‍ना 1:8

होझ्‍येरी धेन्‍पे दो़न्‍दु होराङमुला लेगा झ्‍यीये क्षीदु, देरे मीक्‍याला होराङ ग्‍यापक्‍यो़र झ्‍यीघो़।