३ योहान्‍ना 1:4 - ॱलोवा

⁴ ङी टुवाक्‍या धेन्‍पाला तेन्‍ती मीजी क्‍यागीन, लाब दे घोरयेने ल्‍हाक, घाटो क्षे ङाला श्‍येम्‍मा घीया मेक।

३ योहान्‍ना 1:4 Iomraidhean Croise

२ कोरीन्‍थुपा 6:13

धा दी छापला ङा खेक्‍याला राङगी टुवा च्‍योक्‍रे झ्‍येरी ॱनाहीन, खेक्‍याः खेरी सेम ग्‍याक्षेरु तोङ।

गालातीयापा 2:14

धेनी खुङक्‍याई लेगा दे, ताम्‍शाङगी धेन्‍पाला ॱमीथी़न्‍गीनगो थोरी, ङी घीरीगी दोङदु पेटोला ॱनेवी, “ख्‍यो़ याहुदापा झ्‍येरीया याहुदापा च्‍योक्‍रे मेन्‍दा, याहुदापा मेन्‍गीन मीरीक च्‍योक्‍रे मीछे पी़ना, याहुदापा मेन्‍गीन मीरीकक्‍याला याहुदापा च्‍योक्‍रे मीछे पी़ ॱनेरी, ख्‍यो़ घाङ झ्‍येरी उजुक ग्‍याप थुक्‍वाले?”

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

फीलेमोन 1:10

ङी भीजा च्‍योक्‍रे हीन्‍गीन ओनीसीमुगी दो़न्‍दु रेभो़ श्‍युवाहीन। चो़न्‍खाङदु ङा खी़ आकी झ्‍युवालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

२ योहान्‍ना 1:4

ख्‍यी़ टुवाक्‍याने रीङगा यापगी होराङला ॱनाङना का च्‍योक्‍रे, धेन्‍पे लामला ग्‍युक्‍कीनगो थोरी, ङा ॱमीच्‍यीकी ङ्यामो ग्‍येजुङ।