२ तीमोथेउ 4:8 - ॱलोवा

⁸ धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

२ तीमोथेउ 4:8 Iomraidhean Croise

मेथा 24:36

“होदे ङीमा धाङ धी़चो़गी कोरला सुला स्‍येये मेतालाक। याप को़न्‍क्षोकगी माना नाम्‍खे भाङछेनक्‍याला स्‍येये मेतालाक धेनी सेला स्‍येये मेतालाक।

मेथा 7:22

होदे ङीमागोला मी माङागी ङाला, ‘चोवो, चोवो, खेराङगी छेनने हीकी ॱङो़न ॱमास्‍येपे धेनी खेराङगी छेनगी थोक्‍ने धी़क ॱमातो़न्‍बे धेनी खेराङगी छेनगी थोक्‍ने हीकी ॱहाङसागीन लेगा माङा माझ्‍येबे?’ ॱनेरी ॱनागीलाक।

लुका 10:12

ङा खेक्‍याला ॱनाहीन, ठीम चेगीन ङीमाला सादोम ग्‍याजाने ल्‍हाक, दे ग्‍याजा देला ठीम फोक्‍कीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

रोमापा 8:23

धेनी को़पा च्‍यीगा मेन्‍दा, होराङ धाम्‍पे थुक्‍ङीगी ढेबु फी़ हो़गीनक्‍याः, को़न्‍क्षोकगी से धाङ सेमु झ्‍युङये धाङ होरी ली़गी थारपागी क्षीला रेवा झ्‍येरी घुक्‍ती धेताराङ, होराङक्‍याः नाङ-नाङने ङ्याङी हो़तालाक।

१ कोरीन्‍थुपा 2:9

घीहीन्‍ना सुङरापदु देरे ढीक हो़तालाक, “ॱमीकगी ॱमाथोथा धाङ आमच्‍योकगी ॱमाघोरका, धाङ मीगी सेमगी ॱमासाम्‍साक्‍याराङ, को़न्‍क्षोकगी राङला चेवा झ्‍यीगीनक्‍याला डाढीक जे हो़तालाक।”

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

१ कोरीन्‍थुपा 9:25

चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

२ कोरीन्‍थुपा 5:2

धेनी दे जीक्‍तेनगी ॱनेसारु होराङ थाङ क्षेदी, नाम्‍खे श्‍यीङखामगी खाङबागी होराङला घो़ च्‍योक्‍रे काप्‍येला, होराङ ॱमीच्‍यीकी दो़पा झ्‍यीदालाक।

फीलीप्‍पीपा 3:11

धेनी घाने ॱहाला झ्‍युङ थुप्‍ये हो़ना, ङा छीवाने ॱलार सो़न्‍पो लाङ थुक्‍वास्‍योक ॱनेरी रेवा हो़क।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 5:4

हीना खे पी़नक्‍या मी़नाक्‍पाला मेधेगीन झ्‍येरी, चोवोगी ङीमा दे कुमा च्‍योक्‍रे हुङना खेक्‍या ॱहा मेलेगीलाक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

१ तीमोथेउ 6:19

देरे झ्‍येरी याङदाक्‍पा छेला ॱनेयेगी क्षीला राङगी क्षीला, माउपारला ॱमाङस्‍यी शाङा तीङास्‍योक।

२ तीमोथेउ 1:10

धेनी होरी क्‍याम्‍गो़न मास्‍यीका येशुगी फेप्‍सुने थुक्‍जे दे, धान्‍दा ॱङो़न्‍दु जेपालाक। धेनी खोङबागी छीवाला चामे जेदी, ताम्‍शाङगी गोने थामेपे छेसोक धाङ छीवा मेपे छे सावो जेपालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:18

चोवोगी ङीमागोला खोङबागी खोला थुक्‍जे शीयास्‍योक। धेनी एफीसुरु खी़ ङाला श्‍यी़गीन श्‍याप्‍तोक घीरी, ख्‍यो़ला घामोमा स्‍येये हो़तालाक।

२ तीमोथेउ 2:5

देरे झ्‍येरीराङ गेपा च्‍यीकगी ठीमला चीरी मीदुरना, खोला होदेगी ज्‍यागा ॱमेथोवालाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 12:11

ॱलापच्‍या घीरी गोमागोला कीदाने दुक्‍पु माङा हुङालाक हीना स्‍याम्‍ला होदे ङ्याङ ङ्युङगीनक्‍याला, ढाङतेन धाङ श्‍यीदेगी ढेबु थोवालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।