२ तीमोथेउ 4:7 - ॱलोवा

⁷ ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

२ तीमोथेउ 4:7 Iomraidhean Croise

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

जेपा 13:25

खोरी लेगा डुप्‍कु झ्‍यीदी घाङला योहान्‍नागी ॱनेवालाक, ‘खेक्‍या ङा सु हीन्‍ढी़ ॱनेरी सामी हेतो? ङा नी क्‍याम्‍गो़नगो मेन हीना खोङबा ङा स्‍याम्‍ने फेवी हो़तालाक धेनी ङा नी खोङबागी पोल्‍लेगी डुताक टोरीन खाये मेक।’

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

फीलीप्‍पीपा 1:30

धेनी खेक्‍याई ङी ङ्याङगीन दुक्‍पुगो, थोङ ङ्युङालाक धेनी धान्‍दा ङी ङ्याङगीनगो खीकी घोरालाक। दे दुक्‍पु देराङ खेक्‍याः ङ्याङी हो़तालाक।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

१ तीमोथेउ 6:20

तीमोथेउ ओ, ख्‍यो़ला च्‍योगीनगो ॱरुङ च्‍यीक। धेनी मीक्‍याई शोक्‍पो ॱनेरी “स्‍येराप” साम्‍गीन क्षो़ला ॱमीथी़न्‍गीन, लाब धाङ क्षोमेगीन चो़पाक्‍याने जेम।

२ तीमोथेउ 1:14

ख्‍यो़ला चोचा गेन शाङपोगो, होरी नाङ श्‍युक्‍कीन धाम्‍पे थुक्‍ङीगी गोने ॱरुङ।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।

ॱङो़न्‍पा 3:8

ख्‍यी़ लेगाक्‍या ङाला स्‍येयेहो़क। तो़दाङ, ख्‍यी़ दोङदु सी़याः ग्‍याप ॱमीथुक्‍कीन, घो ङी पेरी श्‍याक हो़क। धेनी ख्‍यो़ला तोपस्‍युक च्‍यीमे हो़गीनगो ङाला स्‍येयेहो़क। घीहीन्‍ना ख्‍यी़ ङी कागो ॱरुङदुक धेनी ङी मीङ ॱमापादुक।

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।