२ तीमोथेउ 4:5 - ॱलोवा

⁵ ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

२ तीमोथेउ 4:5 Iomraidhean Croise

मेथा 25:16

सेरगी टाङगा ॱङातोङ जोरकीनगो, लाम्‍साङ सोरी होदेने छोङ झ्‍येरी, सेरगी टाङगा ॱङातोङ यालीङ साक्‍पालाक।

मारकु 13:34

दे नी मी च्‍यीक खोरी नाङ ॱयोक्‍पोक्‍याला ची ग्‍याप्‍ती, खोराङ ढु ग्‍याप्‍तु डुगीन च्‍योक्‍रे लाक। दाक्‍पोगी़ खोरी ॱयोक्‍पोक्‍याला मीरी-मीरी लेगा कुरी, धेनी घोरेगोला ॱङी मालोक्‍वा धो़क ॱनागीलाक।

मारकु 13:37

खेक्‍याला ॱनागीन च्‍योक्‍रे ङा मी घीरीला ॱनाहीन, ॱङी मालोक्‍वा धो़क।”

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

जेपा 21:8

ॱङेटोगो होदेने घोङपा श्‍युरी, हेक्‍या केसारयारु ॱलेप्‍पालाक। धेनी होदुरु हेक्‍या क्षो़ स्‍येगीन फीलीपगी नाङदु धेबी। फीलीपगो येरुसालेमदु श्‍याप्‍तोक पुयेला दाम्‍दा, मी धी़नने च्‍यीक लाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

कोलोसेपा 1:25

खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

कोलोसेपा 4:17

धेनी आरकीप्‍पोला, “चोवोगी गोने ख्‍यो़ला थोप्‍था लेगेनगो, ख्‍यी़ घाङगी झ्‍येरी हीन्‍ना डुप्‍पा झ्‍यी।” ॱनेरी ॱनो़।

१ थेसालोनीकेपा 5:6

होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 4:15

ख्‍यी़ यारके घीरीगी थोङयेगी क्षीला, दे लाबक्‍याला लाक्‍लेन तोङ धेनी देलाराङ ॱनेरे धो़क।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 2:3

मास्‍यीका येशुगी ॱमाक्‍मी ढाङपो च्‍यीक च्‍योक्‍रे, ङीमुला दुक्‍ङेलगी गेन खुर।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

ॱङो़न्‍पा 3:2

ॱङी सो़ धेनी जोक्‍ये हीन्‍गीन धाङ ल्‍हाक्‍मा ल्‍हाक्‍लागोला तेन्‍पो शो़ घीझ्‍येरी ॱनाना ङी खेक्‍याई लेगाक्‍या, को़न्‍क्षोकगी चेङारदु माडुप्‍कीनगो ॱङेजुङ।