२ तीमोथेउ 4:2 - ॱलोवा

² को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

२ तीमोथेउ 4:2 Iomraidhean Croise

लुका 7:23

ङाला तेरी धेपाने मेलोक्‍कीनक्‍या झ्‍यीलाप क्षे हीन।”

लुका 7:4

धेनी खुङक्‍या येशुचारु होरी खोङबाला श्‍योवा पुवालाक, “ग्‍यापो़न देला, खेराङगी रोक्‍राम थोप्‍ना ढीक्‍ये हो़तालाक।

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

जेपा 13:5

सालामी ग्‍याजारु ॱलेप्‍ती, याहुदापाक्‍याई छोक्‍खाङक्‍या नाङदु जुरी, खुङक्‍याई को़न्‍क्षोकगी का स्‍येपालाक। होदे लेगाला रोवा झ्‍यीयेला, खुङक्‍याई मारकु ॱनागीन योहान्‍नालाः मुला ठीक हो़तालाक।

जेपा 16:13

ग्‍याजागी फीला चाङबुगी थामाला याहुदापाक्‍याई सोवा ग्‍याप्‍जा साजा हो़टु ॱनेरी, साम्‍दी हेक्‍या ङासुगीन ङीमाला होदुरु सोवी। धेनी होदुरु जोम्‍दी धेता भोमोक्‍यामुला धेदी लाब तावी।

जेपा 20:7

धी़न्‍डागी श्‍याक्‍मो धाङपोगी घोमुगो, हेक्‍या होदुरु हो़गीन धेपा-झ्‍यीगीनक्‍यामुला शामा शायेला जोम्‍बालाक। पाउलुगी खुङक्‍याला ॱलापच्‍या तेरती धेपालाक धेनी ॱङेटोगो होदेने लोक्‍ये झ्‍येरी, खो छेन फेचाम थुक्‍पे लाब तारी धेपालाक।

जेपा 28:16

हेक्‍या रोमदु ॱलेप्‍ती पाउलुला ॱमाक्‍मी ॱरुङगीन च्‍यीक श्‍याक्‍ती, खोराङ च्‍यीगा धेदु च्‍युक्‍पालाक।

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

गालातीयापा 6:6

का लेन्‍गीनक्‍याई राङमुला हो़गीन, शाङा घीरी राङगी ॱलोपो़नमुला घो़ घोगुलाक।

कोलोसेपा 1:25

खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

१ थेसालोनीकेपा 1:6

ॱमीच्‍यीकी दुङा क्षेगी खोकलाः खेक्‍याई धाम्‍पे थुक्‍ङीगी घाटो थोक्‍ने ताम्‍शाङगो खेलेन्‍दी, खेक्‍या हे धाङ चोवोगी लेमो झ्‍यीगीन झ्‍युवालाक।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ थेसालोनीकेपा 5:20

ॱङो़नस्‍येक्‍याला ॱनाङमे माझ्‍यी,

१ तीमोथेउ 4:13

ङा मायुङ थुक्‍पे, ख्‍यो़ मीछोकक्‍याला सुङराप ॱलोक्‍ये धाङ क्षो़ तो़न्‍ये धाङ ॱलापच्‍या ॱलाप्‍येला दो़नाङ झ्‍यी।

१ तीमोथेउ 5:20

धीक्‍पा झ्‍यीगीनक्‍याला मी घीरीगी, दोङदु आङजी तोङ। देरे झ्‍यीना श्‍येम्‍माक्‍या जीक्‍कीलाक।

२ तीमोथेउ 2:21

ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

तीतोस 1:13

दे पाङपो दे, धेन्‍पा लाक। होझ्‍येरी होदेक्‍याला ॱलापच्‍या घामोमा तेर धेनी खुङक्‍याई धेपा तेन्‍पो झ्‍युरी,

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

ईब्‍रीपा 13:22

पी़नक्‍याओ, ङी खेक्‍याला यीक तुङ-तुङ च्‍यीक ढीक हो़क। धेनी ङी ॱलापच्‍याक्‍याला शो़पा झ्‍यी ॱनेरी, ङा श्‍योवा पुलाहीन।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।