२ तीमोथेउ 4:16 - ॱलोवा

¹⁶ ठीम्‍पो़नगी दोङदु ङा थेङ धाङपो ठीम श्‍यी़ घाङला, घीरीगी ङाला पारी, ङा स्‍योकला सुवा लाङगी मीदुक। दी लेनगो, खुङक्‍या खाला ॱमाफोक्‍वास्‍योक।

२ तीमोथेउ 4:16 Iomraidhean Croise

मारकु 14:50

धेनी खोङबागी ङेने घीरी खोङबाला भोरती डो़री सोवालाक।

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 25:16

‘क्‍यो़न फोक्‍पा मीगो क्‍यो़न चुक्‍कीनक्‍याई दोङदु मालाङ थुक्‍पे धेनी खोरी क्‍यो़नक्‍याई क्षीदु ॱरुङक्‍योप झ्‍यीयेगी घुकाप माजोर थुक्‍पे, रोमापा ठीमला होदे मीगोला ठीम्‍चो़गी क्षीदु ची ग्‍याप्‍ये मेरालाक’ ॱनेरी ङी खुङक्‍याला ॱनेवी।

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

१ कोरीन्‍थुपा 13:5

झाम्‍पा नी चुक्‍वा मेयोङालाक धेनी राङदो़न च्‍यीगा ॱमेचालालाक। धेनी दे नी उक्‍कुरा खोङडो मेलाङगीन धाङ श्‍येनगी ङेक्‍यो़नक्‍या सेमला मेश्‍याक्‍कीन हुङालाक।

१ कोरीन्‍थुपा 9:3

ङाला खा ताङगीनक्‍याई क्षीदु ङी लेन नी दे लाक,

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

फीलीप्‍पीपा 1:17

हीना ङाला चो़न्‍खाङदु दुक्‍पु ताङयेगी साम्‍लो तारी, ढेन्‍दुर झ्‍यीगीनक्‍याई सेम ढाङपोगी थोक्‍ने मेन्‍दा, राङगी दो़पा काङयेगी क्षीदु क्षो़ स्‍येदालाक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

२ तीमोथेउ 4:15

ख्‍यो़याः खोने शाप-शाप झ्‍यी घीझ्‍येरी ॱनाना खो होरी ताम्‍शाङला ॱमीच्‍यीकी ङोलोक झ्‍यीदीक।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ