२ तीमोथेउ 4:14 - ॱलोवा

¹⁴ शाङ शोगीन आलेक्‍जेन्‍डारगी ङाला ॱमीच्‍यीकी ॱनो़ क्‍याजुङ धेनी खी़ झ्‍येजागी लेन, चोवोगी खोला ॱनाङगीलाक।

२ तीमोथेउ 4:14 Iomraidhean Croise

रोमापा 12:19

धेनी चेवेक्‍याओ, नामा डास्‍या मालेन हीना को़न्‍क्षोकगी थुक्‍ठो़ला भोरस्‍योक। घीझ्‍येरी ॱनाना सुङरापला देरे ढीक हो़तालाक, “डास्‍या लेन्‍ये लेगेन ङी लाक। ङीराङ लेन्‍दु, सुरी चोवो सुङालाक।”

रोमापा 2:6

को़न्‍क्षोकगी मी रे-रेला, राङगी लेगाला थी़न्‍गीन ढेबु ॱनाङगीलाक।

२ थेसालोनीकेपा 1:6

को़न्‍क्षोक नी ढाङपो झ्‍युरी, खोङबागी खेक्‍याला दुक्‍पु ताङगीनक्‍याला दुक्‍पु ॱनाङगीलाक

१ तीमोथेउ 1:20

होदेक्‍याने हुमेनायु धाङ आलेक्‍जेन्‍डार ॱङीउ लाक। को़न्‍क्षोकला कुरवा मेदेप्‍येगी कोरला ज्‍याङयेला, ङी दे ॱङीउला धी़कगी लाक्‍पाला ची ग्‍याप्‍हो़क।

२ तीमोथेउ 4:15

ख्‍यो़याः खोने शाप-शाप झ्‍यी घीझ्‍येरी ॱनाना खो होरी ताम्‍शाङला ॱमीच्‍यीकी ङोलोक झ्‍यीदीक।

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”

ॱङो़न्‍पा 18:6

मी़ श्‍येम्‍माला झ्‍येजा च्‍योक्‍रे मोला झ्‍यी। मी़ झ्‍येजाने दाप ॱङी मोला ॱलोक। मी़ श्‍येम्‍माला डाढीक झ्‍येजा दुक्‍पुगी घुन्‍क्षाङने, दाप ॱङी घारा, मी़ फोरा नाङदु ॱलुक।

ॱङो़न्‍पा 6:10

खुङक्‍याई के ग्‍याप्‍ती देरे ॱनेवालाक, “के कुवाङ को़न्‍क्षोक, धाम्‍पा धाङ धेन्‍पा ला, खेराङगी जीक्‍तेनदु हो़गीन मीक्‍याला नाम ठीम्‍चो़ जेये धेनी हीकी ॱरोक लेन्‍गीनक्‍याला नाम डास्‍या लेन्‍दा जेये?”